ۇلتتىق قوردان بالالارعا اۋدارىلعان قاراجاتتى قانداي ماقساتتارعا جۇمساۋعا بولادى

استانا. قازاقپارات - قارجى ۆيتسە-ءمينيسترى داۋرەن تەمىربەكوۆ ۇلتتىق قوردان بالالارعا اۋدارىلعان قاراجاتتى قانداي ماقساتتارعا جۇمساۋعا بولاتىنىن ايتتى، دەپ حابارلايدى قازاقپارات ءتىلشىسى.

«بالا 18 جاسقا تولعان كەزدە، بۇل قاراجات ونىڭ مەنشىگى بولىپ سانالادى. ول قاراجاتتى قالاي پايدالانۋ كەرەك ەكەنىن ءوز بەتىنشە شەشۋى كەرەك، ياعني ءبىلىم الۋعا نەمەسە تۇرعىن ءۇي ساتىپ الۋعا جۇمساي الادى. نىسانالى ماقساتىن راستاۋ ۋاكىلەتتى وپەراتورلارعا ءبىلىم بەرۋ قىزمەتتەرىن الۋعا ارنالعان شارتتى نەمەسە باسپانا ساتىپ الۋ تۋرالى شارتتى ۇسىنۋ نەگىزىندە بەرىلەدى. بۇل رەتتە، شەتەلدىك ج و و- دا وقۋ اقىسىن تولەۋگە دە قاراجاتتى پايدالانۋعا شەكتەۋ بولمايدى»، - دەدى د. تەمىربەكوۆ سەنات دەپۋتاتتارىمەن كەزدەسۋ كەزىندە.

ونىڭ ايتۋىنشا، تۇرعىن ءۇي ساتىپ الۋ ءۇشىن بۇل قاراجاتتى تەك قازاقستان اۋماعىندا پايدالانۋعا رۇقسات بەرىلەدى.

«وسى قاراجاتقا ساتىپ الىنعان تۇرعىن ءۇيدى قايتا ساتۋ بويىنشا شەكتەۋلەر بولمايدى»، - دەدى ۆيتسە-مينيستر.

بۇدان بۇرىن حابارلانعانداي، داۋرەن تەمىربەكوۆ «ۇلتتىق قور - بالالارعا» جوباسى اياسىندا اۋدارىلاتىن قاراجات تۋرالى ايتتى.

بالانىڭ شوتىنا جىل سايىن 150-160 ا ق ش دوللار سوماسىندا قاراجات اۋدارۋ ەسكەرىلگەن.

شوتتا جيناقتالعان قاراجاتتى 18 جاسقا تولعاندار عانا پايدالانا الادى.