مۇگەدەكتىگى بار بالالارعا بەرىلەتىن جاردەماقى مولشەرى ارتا ما
بۇل تۋرالى ءماجىلىستىڭ تاراتىلعان 8-شاقىرىم دەپۋتاتتارىنىڭ ساۋالىنا پرەمەر-ءمينيستردىڭ ورىنباسارى التاي كولگىنوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«2023-جىلعى 1- قاڭتاردان باستاپ مۇگەدەكتىگى بويىنشا مەملەكەتتىك الەۋمەتتىك جاردەماقى مولشەرى 8,5 پايىزعا (2022-جىلى ەكى رەت 1- قاڭتاردان - %5 عا، 1- ساۋىردەن - %4 عا) ارتتىرىلدى. مۇگەدەكتىگى بار بالالار مەن ولاردى تاربيەلەپ وتىرعان وتباسىلاردىڭ قۇقىقتارى مەن مۇددەلەرىن قورعاۋ ماقساتىندا قولدانىستاعى زاڭناماعا ءبىرقاتار وزگەرىستەر ەنگىزىلەدى. اتاپ ايتقاندا، 2021-جىلى مۇگەدەكتىكتىڭ سەبەبىنە قاراماستان، ءبىرىنشى توپتاعى مۇگەدەكتىگى بار ادامدارعا كۇتىم جاسايتىن ادامدارعا ارنالعان جاردەماقىلار ەنگىزىلدى. 7 جاستان 16 جاسقا دەيىنگى مۇگەدەكتىگى بار بالالاردى مۇگەدەكتىك توپتارى بويىنشا ءبولۋ جۇرگىزىلدى. ناتيجەسىندە الەۋمەتتىك جاردەماقىلاردىڭ مولشەرى ۇلعايدى»، - دەدى ۇكىمەت باسشىسىنىڭ ورىنباسارى جاۋابىندا.
سونىمەن قاتار ول 2022-جىلعى 27- ماۋسىمدا مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋعا باعىتتالعان دەنساۋلىق ساقتاۋ ۇيىمدارىندا ولارعا ءبىرىنشى كەزەكتە قىزمەت كورسەتۋ قۇقىعىن ايقىنداۋ، مۇگەدەكتىگى بار بالانى ساناتوري-كۋرورتتىق ەمدەلۋگە الىپ جۇرەتىن زاڭدى وكىلدەردىڭ بىرىنە ەمدەلۋ قۇنىن وتەۋ (70 پايىز مولشەرىندە)، مەديتسينالىق-الەۋمەتتىك ساراپتامادان سىرتتاي ءوتۋ مۇمكىندىگى جانە تاعى باسقا وزگەرىستەر ەنگىزىلگەنىن اتاپ وتەدى.
«وسىلايشا، مەملەكەت تاراپىنان مۇگەدەكتىگى بار ادامداردى الەۋمەتتىك قولداۋ بويىنشا كەشەندى جۇمىستار جۇرگىزىلۋدە جانە بۇل باعىتتاعى جۇمىستار الەۋمەتتىك كودەكس جوباسى اياسىندا جالعاساتىن بولادى»، - دەدى التاي كولگىنوۆ.
