16:30, 14 - اقپان 2023 | GMT +5
ەكس- پرەزيدەنتكە ەمدەلۋ ءۇشىن ەلدەن شىعۋعا رۇقسات بەرىلدى
بىشكەك. كابار- قازاقپارات - بىشكەك قالاسىنىڭ پەرۆوماي اۋداندىق سوتى قىرعىزستاننىڭ بۇرىنعى پرەزيدەنتى المازبەك اتامبايەۆقا ەمدەلۋ ءۇشىن ەلدەن شىعۋعا رۇقسات بەردى، دەپ حابارلايدى قازاقپارات كابار اگەنتتىگىنە سىلتەمە جاساپ.
ايتا كەتەيىك، جوعارعى سوتتىڭ سوت القاسى ا. اتامبايەۆقا قاتىستى قىلمىستىق ءىستىڭ جاڭادان اشىلعان ءمان- جايى بويىنشا ءىس جۇرگىزۋدى قايتا باستاۋ تۋرالى ادۆوكاتتاردىڭ ءوتىنىشىن قاناعاتتاندىردى.
وسىلايشا، قىلمىس الەمىنىڭ سەركەسى ازيز باتۋكايەۆتى زاڭسىز بوساتۋ تۋرالى قىلمىستىق ءىس بىشكەكتىڭ پەرۆوماي اۋداندىق سوتىندا قايتا قارالادى.
پەرۆوماي سوتىندا بۇرىنعى پرەزيدەنت المازبەك اتامبايەۆ ازيز باتۋكايەۆتى زاڭسىز بوساتقانى ءۇشىن 11,2 جىلعا باس بوستاندىعىنان ايرىلعان بولاتىن.
