ءاليحان سمايىلوۆ قازاقستان ءۇشىن عىلىمنىڭ پەرسپەكتيۆالى سالالارىن اتادى
«سوڭعى جىلدارى عىلىم تۋرالى زاڭناماعا ەلەۋلى وزگەرىستەر ەنگىزىلدى. عىلىمدى دامىتۋ تۇجىرىمداماسى بۇكىل عىلىمي قوعامداستىقپەن بىرگە ىسكە اسىرىلادى. سونىمەن بىرگە، بۇگىندە قوعام عىلىمي-تەحنولوگيالىق سالادان ناقتى وزگەرىستەردى، عىلىمي جاڭالىقتاردىڭ ناقتى ەكونوميكادا قولدانىلۋىن كۇتىپ وتىر.
سوندىقتان، عىلىمي زەرتتەۋلەردىڭ ناتيجەسىن ارتتىرۋ، ونىڭ ەل ەكونوميكاسىنىڭ دامۋىنا قوساتىن ۇلەسىن ۇلعايتۋ ءۇشىن اۋقىمدى جۇمىس قاجەت»، - دەدى ۇكىمەت باسشىسى.
سونداي-اق، ول عىلىمي جۇمىستاردىڭ ناتيجەلەرىن كوممەرتسيالاندىرۋدىڭ تيىمدىلىگىن ارتتىرۋ ءۇشىن مينيسترلىك پەن عىلىمي ۇيىمدارلىڭ، كاسىپورىنداردىڭ ۇيلەسىمدى جۇمىس ىستەيتىندەي مەحانيزمدەر قۇرۋ قاجەتتىگىن اتادى.
«ەڭ پەرسپەكتيۆالى عىلىمي باعىتتارداعى تاجىريبەلىك-كونسترۋكتورلىق جۇمىستاردىڭ ۇلەسىن ارتتىرۋ قاجەت.
بۇلاردىڭ قاتارىندا اتوم جانە سۋتەگى ەنەرگەتيكاسى، سيفرلىق تەحنولوگيالار، جاساندى ينتەللەكت، بيوتەحنولوگيا، بيوقاۋىپسىزدىك، نەيروعىلىم سياقتى سالالاردى اتاپ كورسەتۋگە بولادى»، - دەدى پرەمەر-مينيستر.
