نۇرداعى ءزىلزالا زاردابى

استانا.قازاقپارات - تۇركياداعى جەر سىلكىنىسىنەن زارداپ شەككەن ايماقتاردىڭ ءبىرى نۇرداعى قالاسى. مۇنداعى عيماراتتاردىڭ 80 پايىزى قيراعان.

قازىر شاھاردا قۇتقارۋ جۇمىستارى ءجۇرىپ جاتىر. نۇرداعىدا قازاقستاندىق مامانداردىڭ ءبىر بولىگى بار.

الماگۇل تالدىبەكوۆا، قازاقستاندىق دارىگەر:

- ءبىز اپاتتان زارداپ شەككەندەرگە العاشقى مەديتسينالىق كومەك كورسەتىپ جاتىرمىز. سونىمەن قاتار، ولاردىڭ حال جاعدايىن سۇراپ، پسيحولوگيالىق كومەك تە كورسەتۋدەمىز. قازاقستاننان كەلگەن قۇتقارۋشىلار توبىنانمىن، قاراعاندىداعى اپات مەديتسينالىق ورتالىعىندا ىستەيمىن.

ەلەم اقحان، نۇرداعى قالاسىنىڭ تۇرعىنى

- ءتۇننىڭ ءبىر ۋاعىندا ءۇيدىڭ شايقالعانىن سەزدىم. ساعات ءتىلى 04:15 ءتى كورسەتىپ تۇردى. بىردەن ۇيقىدا جاتقان ءىنىمدى وياتىپ، سىرتقا شىعۋعا ۇمتىلدىق. ابىروي بولعاندا ساناۋلى سەكۋندتىڭ ىشىندە ءقاۋىپسىز ايماقتا بولدىق. ايتپەگەندە ءۇيىندى استىندا قالار ەدىك.

www.24.kz