وسكەمەندە مەكتەپتەن ەشقانداي بومبا تابىلمادى

وسكەمەن. قازاقپارات - وسكەمەن قالاسىندا مەكتەپتەن جارىلعىش زات تابىلمادى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 13 -اقپاندا ساعات 14.30 دا وسكەمەندەگى مەكتەپتەردىڭ بىرىندە جارىلعىش زات قويىلعاندىعى تۋرالى حابار تۇسكەن.

مامانداندىرىلعان قىزمەتتەر دەرەۋ وقيعا ورنىنا كەلدى.

«سول جەردەن قىزمەتكەرلەر مەن وقۋشىلاردى ەۆاكۋاتسيالاۋ جۇرگىزىلدى. مەكتەپتى تەكسەرۋ ناتيجەلەرى بويىنشا قانداي دا ءبىر قاۋىپتى زاتتار تابىلعان جوق. اتالعان فاكتى بويىنشا ق ر ق ك- ءنىڭ 273-بابىمەن سوتقا دەيىنگى تەرگەۋ باستالدى. قازىرگى ۋاقىتتا جارىلعىش زات تۋرالى جالعان حابارلاعان ادامداردى انىقتاۋ بويىنشا ءىس- شارالار جۇرگىزىلىپ جاتىر»، - دەلىنگەن اقپاراتتا.

وسى رەتتە، پوليتسيا دەپارتامەنتى مۇنداي قىلمىس جاساعانى ءۇشىن 5 جىلعا دەيىن باس بوستاندىعىنان ايىرۋ جازاسى قاراستىرىلعانىن ەسكەرتەدى.

ەسكە سالساق، بۇعان دەيىن وسكەمەن قالاسىندا سوڭعى 8 كۇندە مەكتەپكە بومبا قويىلعانى تۋرالى ءتورتىنشى حابار تۇسكەنى حابارلانعان.