شىمكەنتتە ءتۇن ىشىندە توبەلەسكەندەر ءبىرىن- ءبىرى باسىنان اعاشپەن ۇرعان
الەۋەمتتىك جەلىدە ءتۇن ىشىندە شىمكەنت كوشەلەرىندە ءبىرىن- ءبىرى اياۋسىز ۇرعان ازاماتتاردىڭ ۆيدەوسى تارادى. وندا ەكى جىگىتتىڭ ەرەگىسىنىڭ سوڭى ۇلكەن توبەلەسكە اينالعان. ءتىپتى، ءبىرىن- ءبىرى باسىنان اعاشپەن اياۋسىز ۇرىپ جاتقانىن كورۋگە بولادى.
ال، شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى اتالعان جاعداي بويىنشا تەرگەپ- تەكسەرۋ ارەكەتتەرى جۇرگىزىلىپ جاتقانىن مالىمدەدى.
«بەينەجازبادا كورسەتىلگەن جايت قاراتاۋ اۋدانىنىڭ پوليتسيا باسقارماسىمەن ق ر ق ك- ءنىڭ 293-بابى «بۇزاقىلىق» بويىنشا تىركەلدى. سونداي- اق، ورىن العان وقيعا بويىنشا پوليتسياعا ەشقانداي ارىز- شاعىم تۇسىرىلمەگەنىن حابارلايمىز. قازىرگى تاڭدا قىلمىستىق ءىس بويىنشا تەرگەپ- تەكسەرۋ ارەكەتتەرى جۇرگىزىلۋدە»، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
