مەكتەپتە وقۋشىلارعا جاسالعان شابۋىل جان- جاقتى تەكسەرىلەدى – س ق و اكىمى
س ق و اكىمى ايداربەك ساپاروۆ «دەۋمەتتىك جەلىدەگى پاراقشاسىندا: «پەتروپاۆلداعى № 4 ورتا مەكتەپتە بولعان وقىس وقيعاعا قاتىستى ارنايى كوميسسيا جۇمىسىن باستادى. جان- جاقتى تەكسەرۋ جۇرگىزىلۋدە، ونىڭ قورىتىندىسى بويىنشا ءتيىستى شارالار قابىلداناتىن بولادى»، - دەپ جازدى.
بۇعان دەيىن ق ر وقۋ- اعارتۋ مينيسترلىگى پەتروپاۆل قالاسىنداعى مەكتەپتە بولعان وقيعاعا قاتىستى كوميسسيا قۇرىلعانىن ءمالىم ەتتى.
باسپاءسوز قىزمەتىنىڭ حابارلاۋىنشا، كوميسسيا قۇرامىندا بالالاردىڭ قۇقىعىن قورعاۋ كوميتەتى، ءبىلىم سالاسىندا ساپانى قامتاماسىز ەتۋ دەپارتامەنتى، سولتۇستىك قازاقستان وبلىسى ءبىلىم باسقارماسىنىڭ وكىلدەرى بار.
بۇگىن پەتروپاۆلدا 9-سىنىپ وقۋشىسى مەكتەپكە پىشاق- بالتانى سومكەسىنە جاسىرىپ اكەلىپ، بىرنەشە بالانى جاراقاتتاعان ەدى.
ءۇش بالانى جاراقاتتاعان وقۋشى پسيحياتريالىق ەسەپتە تۇرعان. پوليتسيا قىزمەتكەرلەرى كۇدىكتىنى وقيعا ورنىندا ۇستادى.
زارداپ شەككەن ەكى وقۋشىعا وتا جاسالدى، قازىر ولار جانساقتاۋ بولىمىندە جاتىر.
ءۇشىنشى بالاعا قابىلداۋ بولمەسىندە كومەك كورسەتىلىپ، ۇيىنە جىبەرىلدى. قازىر بالالاردىڭ جاعدايى قالىپتى.
