تۇركيادا ۇرىلار مۇلىكتى توناپ جاتىر
- ءزىلزالا كەزىندە دۇكەنىمنىڭ كىرەبەرىس قابىرعاسى قۇلاپ قالعان بولاتىن. سونى پايدالانعان قاسكۇنەمدەر 70 مىڭ ليرا قولماقول اقشامدى جانە ءبىراز قىمبات تاۋارىمدى ۇپتەپ كەتتى.
- دۇكەنىمىز جەرمەن- جەكسەن بولعان. ۇرىلار وسى ماڭداعى دۇكەندەردى جانە جولداعى بازاردى توناپ كەتىپتى. تۇك قالدىرماعان. بۇل بۇل ما. ۇرىلار دۇكەن- بازاردى قويىپ، ۇيلەر مەن كولىكتەردى ارسىزدىقپەن توناۋعا كوشكەن.
- ۇرىلاردا يمان جوق. ولار ۇيلەرىمىزدى، كولىكتەرىمىزدى توناپ جاتىر. قالعان زاتىمىزدى، شامامىز كەلگەنشە قورعاپ ءجۇرمىز.
توناۋعا اشىق كىرىسكەن ۇرىلار اشىندىرعان سوڭ، اتىس-شابىس تا كوبەيگەن. ءاربىر جەردە وق اتىلىپ، قۇتقارۋ ىسىنە قاۋىپ ءتوندى. بىرەۋدى قۇتقارامىز دەپ اۆستراليا مەن گەرمانيادان كەلگەن ماماندار جۇمىستى ەرىكسىز توقتاتىپ، وزدەرى باس ساۋعالاۋعا ءماجبۇر.
ستيۆەن بايەر، گەرمانيادان كەلگەن قۇتقارۋشى:
- ءزىلزالا بولعالى 6 كۇننەن بەرى توقتاۋسىز جۇمىس ىستەپ جاتىر ەدىك، قاۋىپسىزدىك ماسەلەسى ۋشىققان سوڭ ءوزىمىز بىردەڭەگە ۇشىراپ قالماۋىمىز ءۇشىن قۇتقارۋ ءىسىن ۋاقىتشا توقتاتتىق. جاعدايدىڭ تولىق باقىلاۋعا الىنعانىن كۇتەمىز.
پرەزيدەنت رەجەپ تايىپ ەردوعان ۇرلىق- قارلىقتى تەز ارادا توقتاتىپ، ۇستالعانداردى قاتاڭ جازالاۋ تۋرالى ارنايى جارلىق شىعاردى.
رەدجەپ تايپ ەردوعان، تۇركيا پرەزيدەنتى:
- توتەنشە جاعداي تۋرالى زاڭ قابىلدادىق پا؟ قابىلدادىق. بۇكىل ەل ءزىلزالادان زارداپ شەگىپ، زارلاپ جاتقاندا، ۇرىلاردى تايراڭداتىپ قويۋعا بولمايدى. بازارلار تونالعان. ءبىزدىڭ حالىق مۇنداي كۇناعا بارماۋى كەرەك. شىن مۇقتاجدارعا كاسىپكەرلەر قولىنداعى بارىن بەرەدى.
تۇركيانىڭ قورعانىس مينيسترلىگى كوشەلەر مەن بازارلاردا قاۋىپسىزدىكتى كۇشەيتۋ ءۇشىن ارنايى اسكەر شىعاردى. ادىلەت ءمينيسترى قازىردىڭ وزىندە 64 ۇرىنىڭ قاماۋعا الىنعانىن حابارلادى.
www.24.kz
