قازاقستان گەولوگيالىق بارلاۋىنىڭ نەگىزىن قالاۋشىلاردىڭ ءبىرى ورال اقشولاقوۆ قايتىس بولدى
اقپاراتتى ق ر ەنەرگەتيكا مينيسترلىگىنىڭ باسپا ءسوز قىزمەتى راستادى. ورال اقشولاقوۆ - قازىرگى ەنەرگەتيكا ءمينيسترى بولات اقشولاقوۆتىڭ اكەسى.
اقشولاقوۆ ورال اقشولاق ۇلى 1936 -جىلى گۋريەۆتە (قازىرگى اتىراۋ) دۇنيەگە كەلگەن. ول بىرەگەي عالىم، قازاقستاندىق گەولوگيالىق بارلاۋدىڭ نەگىزىن قالاۋشى، قازاقستان رەسپۋبليكاسى مينەرالدى رەسۋرستار اكادەمياسىنىڭ تولىق مۇشەسى. 1958 -جىلى ي. م. گۋبكين اتىنداعى ماسكەۋ مۇناي ينستيتۋتىن گەولوگ ماماندىعى بويىنشا بىتىرگەن.
ەڭبەك جولىن گۋريەۆ ءىرى اۋماقتىق مۇناي بارلاۋ ەكسپەديتسياسىنىڭ باتىس قازاقستان گەولوگيالىق باسقارماسىندا كوللەكتور، گەولوگ، اعا گەولوگ، تەحنيكالىق باسشى جانە ءبولىمىنىڭ باسشىسى بولىپ باستاعان.
ءار جىلدارى قازاق گەولوگيالىق بارلاۋ جانە مۇناي عىلىمي- زەرتتەۋ ينستيتۋتىنىڭ زەرتحانا مەڭگەرۋشىسى، ديرەكتوردىڭ عىلىمي جۇمىس جونىندەگى ورىنباسارى، بالىقشى مۇناي بارلاۋ ەكسپەديتسمياسىننىڭ باسشىسى، باتىس قازاقستان ەكسپەديتسياسىنىڭ باسشىسى، الماتى گەوفيزيكالىق ەكسپەديتسياسىنىڭ باس گەولوگى، پارتيا باسشىسى، «قازگەوفيزيكا» و گ ب گەولوگيالىق ءبولىمىنىڭ باستىعى، ق ر گەولوگيا جانە جەر قويناۋىن قورعاۋ مينيسترلىگىنىڭ مۇناي جانە گاز باس باسقارماسىنىڭ باسشىسى (1992-1994) قىزمەتتەرىن اتقارعان.
سونىمەن بىرگە، ورال اقشولاقوۆ «كازگوسنەدرا» مينەرالدى رەسۋرستار باس باسقارماسى باسشىسىنىڭ ورىنباسارى، «ستەپنوي لەوپارد» ب ك باس ديرەكتورى، «تاۋ- كەن- ەكونوميكالىق كونسالتينگ» ج ش س باس مامانى، «سەنتروكونسالتينگ» ج ش س ديرەكتورى قىزمەتتەرىن اتقاردى، ن. ا. مارابايەۆ اتىنداعى «مۇنايشى» قوعامدىق قورىنىڭ قۇرىلتايشىسى، قامقورشىلىق كەڭەسىنىڭ مۇشەسى بولدى.
و. اقشولاقوۆ - 170-تەن استام جاريالانعان جانە قولجازبا عىلىمي ەڭبەكتەردىڭ، قازاقستاننىڭ مۇناي ەنسيكلوپەدياسىنىڭ، ەكى باسىلىمنىڭ اۆتورى. ءبىرقاتار مۇناي جانە گاز كەن ورىندارىن - پرورۆا، مارتىشي، قامىشيتوۆىي، جاڭاجول، جەتىباي، وزەن، تاسبولات، كەڭقياق، ورىكتاۋ، قاراشىعاناق جانە ت. ب. اشقان.
فوتو: novoetv.kz
اۆتور
ايجان سەرىكجان قىزى
