تۇركيادا جەر سىلكىنىسىنەن قيراماعان جالعىز قالاشىقتىڭ حيكاياسى
قالاعا جاقىن ورنالاسقان وسمانيە مەن حاتاي قالالارى تابيعي اپاتتان ايتارلىقتاي زارداپ شەككەن. حاتاي وڭىرىندەگى جەر سىلكىنىسىنەن سوڭعى مالىمەت بويىنشا، 6 مىڭ 205 ادام قازا بولىپ، 17 823-ءسى جارالانعان. ال قيراعان عيماراتتار سانى 3 مىڭعا جۋىقتاعان.
جەر سىلكىنىسى كەزىندە تىشقان مۇرنى دا قاناماعان شامامەن 42 مىڭ تۇرعىنى بار ەرزين قالاشىعىنىڭ باسشىسى وككەش ەلماسوعلى بۇنىڭ بارلىعىن زاڭسىز قۇرىلىسقا ەشقاشان رۇقسات بەرمەۋىمەن ءتۇسىندىردى. ەلماسوگلۋ ول ليتسەنزياسىز ءتىپتى تۋىستارىنا قۇرىلىس سالۋعا رۇقسات بەرمەگەنىن، ال قۇرىلىس نورمالارى ۇنەمى تەكسەرىلىپ وتىراتىنىن اتاپ وتكەن.
TV5 كانالىنا سۇحبات بەرگەن ەرزين قالاشىعىنىڭ باسشىسى وككەش ەلماسوعلى جەمقورلىق پەن تامىر- تانىستىققا جول بەرمەي كەلە جاتقانى ءۇشىن تالاي اڭگىمە ەستىگەنىن دە جاسىرمادى.
«ءبىزدىڭ قالاشىق تا وتە قاتتى جەر سىلكىنىسىن باسىنان كەشىردى. ءبىر دە ءبىر ءۇيىمىز شىتىنامادى، جارالانعان تۇرعىنىمىز جوق. ەل الدىندا ءجۇزىم جارقىن. ەشقاشان زاڭسىز قۇرىلىسقا جول بەرمەدىم. «تۇركيادا سەن عانا تازا ادامسىڭ با»، «بۇل ەلدىڭ ءتۇزۋ ادام ءوزىڭ عانا سياقتى بولماشى»، - دەگەن ىزبارلى سوزدەر ءالى قۇلاعىمنىڭ تۇبىندە ىزىڭدايدى»، - دەدى ول.
https://t.me/ulys1
