وزبەكستان حالقى سەيسميكالىق احۋالعا الاڭداۋلى
سەيسمولوگتاردىڭ ايتۋىنشا، جەراستى دۇمپۋلەرى قازىر دە بولىپ تۇرادى. الايدا قۋاتى 57 جىل بۇرىنعىداي جويقىن ەمەس. تۇركياداعى جاعدايدان كەيىن جەرگىلىكتى جۇرتتىڭ بويىن قايتا ۇرەي بيلەگەن. سەبەبى تاشكەنت سەيسميكالىق قاۋىپتى ايماقتا ورنالاسقان.
ونىڭ ۇستىنە كەي ماماندار ماگنيتۋداسى 7 بالدىق ءزىلزالانىڭ تاشكەنتتە ءار 25 جىل قايتالانۋى مۇمكىن ەكەنىن العا تارتىپ وتىر. ءبىراق وزبەكستان عىلىم اكادەمياسىنىڭ سەيسمولوگيا ينستيتۋتى بۇل بولجاممەن كەلىسپەيدى. قازىر ەلدە 60 سەيسميكالىق جانە ماگنيتتى جولاقتى ولشەيتىن 30 ستانتسيا، سونداي- اق جەراستى سۋىنىڭ قوزعالىسىن باقىلايتىن 20 پۋنكت جۇمىس ىستەيدى. وندا ءار اپتا سايىن بولجامدار جاسالادى.
ەسكە سالايىق، باۋىرلاس تۇركياعا وزبەكستان دا قولدان كەلگەن كومەگىن كورسەتىپ جاتىر. ۇكىمەت اپات بولعان ايماققا قۇتقارۋشىلار توبىمەن قاتار گۋمانيتارلىق جۇك جونەلتتى.
ۆاحيدحان ىسمايىلوۆ وزبەكستان عىلىم اكادەمياسى سەيسمولوگيا ينستيتۋتى ديرەكتورىنىڭ ورىنباسارى:
- ءبىز جەر سىلكىنىسىنە قاشان دا دايىن بولۋىمىز كەرەك. سالىنىپ جاتقان عيماراتتاردىڭ ءزىلزالاعا توزىمدىلىگى ۇدايى نازاردا. ەڭ الدىمەن ۇيلەردىڭ شاتىرىنا اۋىر جۇك ارتىلماۋى قاجەت. ءار باسپاناداعى جيھازدىڭ ورنالاسۋى مەن جارىقشامنىڭ ىلىنۋىنە دەيىن باسا ءمان بەرىلەدى. ەگەر قاراپايىم تالاپتار ورىندالماسا، ادامدار قۋاتتىلىعى تومەن دەڭگەيدەگى دۇمپۋلەر كەزىندە دە زارداپ شەگۋى مۇمكىن. ءزىلزالا بولعان جاعدايدا ۇستەل استىنا جاسىرىنىپ ۇلگەرۋ شارت. بولمەنىڭ بۇرىشى مەن ەسىكتىڭ ماڭى دا قاۋىپسىز جەر سانالادى.
www.24.kz
