اسكەري قىزمەتشىلەردىڭ جالاقىسى وسەدى

استانا. قازاقپارات - بۇگىن الماتىدا اسكەري قىزمەت ارداگەرلەرىمەن كەزدەسكەن قورعانىس ءمينيسترى گەنەرال- پولكوۆنيك رۋسلان جاقسىلىقوۆ سالا قىزمەتشىلەرىنىڭ جالاقىسىنا قاتىستى جاڭالىقتارمەن ءبولىستى، دەپ حابارلايدى قازاقپارات ءتىلشىسى.

ۆەدومستۆو مالىمەتىنشە، كەزدەسۋ بارىسىندا مينيستر 2023 -جىلدان باستاپ ۇشۋ قۇرامىنىڭ لاۋازىمدىق جالاقىسى كوتەرىلەتىندىگىن اتاپ وتكەن. اسكەري مەديتسينا قىزمەتكەرلەرى مەن اسكەري جوعارى وقۋ ورىندارىنىڭ ازاماتتىق وقىتۋشىلارىنىڭ اقشالاي ۇلەسىن ازاماتتىق بەيىندەگى مەكەمەلەردىڭ جالاقى دەڭگەيىنە دەيىن ارتتىرۋ مۇمكىندىگى دە قاراستىرىلىپ جاتقانىن ايتقان.

«2023 -جىلدىڭ ىشىندە ءى ءى م ۇلتتىق ۇلانى سياقتى توتەنشە جاعدايلار سالدارىن جويۋ كەزىندە اسكەري قىزمەتشىلەرگە ءۇش ەسەلەنگەن اقشالاي قاراجات مولشەرىندە تولەمدى ارتتىرۋ دا كوزدەلگەن. قورعانىس ۆەدومستۆوسىنىڭ باسشىسى 2024 -جىلدان باستاپ قاتارداعى جاۋىنگەرلەر مەن سەرجانتتىق قۇرامدار لاۋازىمدارىنىڭ تاريفتىك ساناتتارىن جانە اسكەري اتاعى بويىنشا اسكەري قىزمەتشىلەردىڭ جالاقىلارىن 30 پايىزعا ارتتىرۋ جوسپارلانعانىن العا تارتتى»، - دەپ اتاپ وتەدى مينيسترلىكتەن.

اۆتور

مارلان جيەمباي