20:45, 10 - اقپان 2023 | GMT +5
تۇركيادا تاعى ءبىر وتانداسىمىز ىزدەستىرىلىپ جاتىر –س ءى م
استانا. قازاقپارات - كاحرامانماراشتا تاعى ءبىر وتانداسىمىز ىزدەستىرىلىپ جاتىر. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«سونداي-اق، قازاقستاننىڭ تاعى ءبىر ازاماتى ءالى كۇنگە دەيىن حابار-وشارسىز كەتتى دەپ ەسەپتەلۋدە. ول وسى جىلدىڭ 6- اقپانىنان بەرى بايلانىسقا شىقپادى، تۇراتىن جەرى - كاحرامانماراش قالاسى. اپكەسى مينيسترلىكتىڭ «جەدەل جەلىسىنە» حابارلاسقاننان كەيىن ونى ىزدەۋ جۇمىستارىن باستادىق. قازىرگى ۋاقىتتا قازاقستان ەلشىلىگىنىڭ قىزمەتكەرى وسى قالاعا بارىپ، تۇرىك قۇتقارۋشىلارىمەن بىرلەسىپ ونى ىزدەستىرۋدە. كورشىلەردىڭ ايتۋىنشا، ءۇي قيراعان كەزىندە ونىڭ ىشىندە بولعان»، - دەدى ايبەك سمادياروۆ.
