الماتى ماڭىندا ءبىر تاۋلىكتە ەكى رەت جەر سىلكىندى

استانا. قازاقپارات - توتەنشە جاعدايلار مينيسترلىگى «سەيسمولوگيالىق تاجىريبە-ادىستەمە ەكسپەديتسياسى» ج ش س سەيسميكالىق ستانسيالار جەلىسى 10- اقپان كۇنى الماتى ۋاقىتىمەن 14.44 تە جەر سىلكىنىسىن تىركەدى، دەپ حابارلايدى قازاقپارات.

«ءزىلزالا وشاعى الماتىدان وڭتۇستىك-باتىسقا قاراي 113 شاقىرىم قاشىقتىقتا، قىرعىزستان اۋماعىندا ورنالاسقان. ەنەرگەتيكالىق كلاسى - 7.9. MPV ماگنيتۋداسى - 3.4. ەپيتسەنتر كوورديناتتارى - 42.38 گرادۋس. ە. 76.12 گرادۋس ش. ب. تەرەڭدىگى - 20 شاقىرىم. سەزىلگەنى جايلى اقپارات (MSK-64 شكالاسى بويىنشا) جوق»، - دەلىنگەن حابارلامادا.

بۇل الماتى ماڭىندا ءبىر تاۋلىك ىشىندە تىركەلگەن ەكىنشى جەر سىلكىنىسى. ساعات 11:24 تە قازاقستاندىق سەيسمولوگتار 4,5 بالدىق جەر سىلكىنىسى تۋرالى حابارلاعان بولاتىن. جەر سىلكىنىسىنىڭ وشاعى الماتى قالاسىنان وڭتۇستىك-باتىسقا قاراي 338 شاقىرىم جەردە قىرعىزستان اۋماعىندا ورنالاسقان.