وڭتۇستىك كورەيالىق فۋتبولشى ازيانىڭ ۇزدىك ويىنشىسى اتاندى
Championat.com سايتىنان الىنعان مالىمەتكە قاراعاندا، وڭتۇستىك كورەيانىڭ 30 جاسار ويىنشىسى ساۋالنامادا 256 ۇپاي جيناپ، بۇل جۇلدەنى التىنشى جىل قاتارىنان جەڭىپ الدى.
شابۋىلشىنىڭ جالپى وسىنداي 8 جۇلدەسى بار.
ازيا فۋتبول جۋرناليستەرى مەن ساراپشىلارى قاتىسقان ساۋالنامادا ەكىنشى ورىندى 120 ۇپايمەن مەحدي تارەمي («پورتۋ»، يران قۇراماسى) مەن سالەم ال-دوساري («ال-حيلال»، ساۋد ارابياسى) ءبولىستى.
ۇزدىك بەستىككە سونداي-اق يتاليالىق «ناپولي» مەن وڭتۇستىك كورەيانىڭ قورعاۋشىسى كيم مين چجە مەن اعىلشىندىق «برايتون» مەن جاپونيانىڭ ۆينگەرى كاورۋ ميتوما ىلىكتى.
بيىلعى ماۋسىمدا سون حىن مين 28 ماتچتا 8 گول سوعىپ، 4 ناتيجەلى پاس بەردى.
انگليا پرەمەر-ليگاسىنىڭ 23-تۋرىندا «توتتەنحەم» سىرت الاڭدا 11- اقپان كۇنى «لەستەرمەن» وينايدى.
ەسكە سالا كەتەيىك، بۇدان بۇرىن ليونەل مەسسيدىڭ وڭتۇستىك امەريكانىڭ ۇزدىك ويىنشىسى اتانعانىن جازعان بولاتىنبىز.
