گازيانتەپتە قازاقستاندىق قۇتقارۋشىلار ءۇيىندى استىنان تاعى ءبىر ادامدى امان الىپ شىقتى

گازيانتەپ. قازاقپارات - تۇركيادا جۇرگەن قازاقستاندىق قۇتقارۋشىلار ءۇيىندى استىنان تاعى ءبىر ادامدى امان شىعارىپ الدى، دەپ حابارلايدى وقيعا ورنىنان اقپارات تاراتىپ جاتقان قازاقپارات ءتىلشىسى اقجىگىت شۇكىباي.

«گازيانتەپتە قۇتقارۋ جۇمىستارىن جۇرگىزىپ جاتقان قازاقستاندىق ماماندار ۇيىندە استىنان 55 جاستاعى ەر ادامدى امان شىعارىپ الدى»، - دەدى اقجىگىت شۇكىباي وقيعا ورنىنان.

ەسكە سالايىق، قازاقستان قۇتقارۋشىلارى مىنگەن بورت 7-اقپان كۇنى گازيانتەپكە اتتانعان بولاتىن. ماماندارىمىزدىڭ ەكىنشى توبى گازيانتەپكە 8-اقپاندا كەشقۇرىم جەتتى.

كەشە گازيانتەپتەگى وبەكتىلەردىڭ بىرىندە قازاقستاندىق قۇتقارۋشىلار ۇيىندىلەردىڭ استىنان 3 ادامدى قۇتقارىپ العان ەدى.

قازاقستان ۇكىمەتى تۇركياعا گۋمانيتارلىق كومەك رەتىندە $1 ميلليون ءبولدى.

سوڭعى مالىمەت بويىنشا تۇركيادا جەر سىلكىنىسىنەن قازا تاپقاندار سانى 17 مىڭنان استى.