قازاقستاندا قانداي اۋرۋعا شالدىققاندارعا تەگىن ءدارى-دارمەك بەرىلەدى
«ناۋقاستاردىڭ تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا جۇمىس جاسايتىن ءدارىحانادان تەگىن ءدارى الۋعا مۇمكىندىگى بار. ول ءۇشىن رەتسەپت پەن جەكە كۋالىگىن كورسەتۋى كەرەك»، - دەيدى ماڭعىستاۋ وبلىستىق دەنساۋلىق ساقتاۋ باسقارماسىنىڭ باسشىسى امانبەك جۇمىروۆ.
تەگىن بەرىلەتىن دارىلەردى تەك بەلگىلى ءبىر اۋرۋ تۇرلەرىنە شالدىققاندار عانا الا الادى.
ولار:
- قان اينالىم جۇيەسى اۋرۋلارى؛
- اس قورىتۋ جۇيەسىنىڭ اۋرۋلارى؛
- قان، قان اينالىم ورگاندارىنىڭ اۋرۋلارى جانە يممۋندىق جۇيەگە قاتىستى اقاۋى؛
- ەندوكريندىك جۇيە اۋرۋلارى، تاماقتانۋدىڭ بۇزىلۋى جانە زات الماسۋ پروتسەسىندەگى وزگەرىستەر؛
- سۇيەك-بۇلشىق ەت جۇيەسىنىڭ جانە دانەكەر ءتىن اۋرۋلارى؛
- جۇيكە جۇيەسىنىڭ اۋرۋلارى؛
- مىنەز- قۇلىق جانە پسيحيكا جۇيەسىندەگى اۋىتقۋلار؛
- جۇقپالى جانە پارازيتتىك اۋرۋلاردىڭ كەي تۇرلەرى؛
- ىسىكتەر؛
- تىنىس الۋ ورگاندارىندا كەزدەسەتىن اۋرۋلار؛
- اعزالار مەن ءتىن اۋىستىرۋ وپەراتسياسىنان كەيىن؛
- نەسەپ- جىنىس جولدارىندا كەزدەسەتىن اۋرۋلارمەن اۋىراتىن ناۋقاستار.
سونىمەن قاتار 18 جاسقا تولماعان قانت ديابەتىنە شالدىققان جاسوسپىرىمدەر دە ينسۋليندىك پومپا مەن وعان ارنالعان رەزەرۆۋار، ينفۋزيالىق جيىنتىقپەن تەگىن قامتاماسىز ەتىلەدى.
ال قانت ديابەتىمەن اۋىراتىن ناۋقاستارعا قالام- شپريتسكە ارنالعان ينە، ينسۋلينگە ارنالعان تاڭبالانعان ءبىر رەتتىك شپريتس پەن قانداعى گليۋكوزا مولشەرىن انىقتايتىن تەست جولاقتار مەن ناجىستەگى كەتوندىق دەنەلەرگە ارنالعان تەست جولاقشالارى تەگىن بەرىلەدى.
ايتا كەتەيىك، ءدارى-دارمەكتى ايىنا ءبىر رەتتەن ارتىق الۋعا بولمايدى. سونىمەن قاتار، ءدارى سانى ەمدەۋ كۋرسىنا بايلانىستى بولادى.
ەمدەۋ كۋرسى ۇزاق بولعان جاعدايدا ءدارى-دارىمەك ءۇش ايعا ەسەپتەپ بەرىلەدى.
