فۋتبولدان قازاقستان كۋبوگىنىڭ العاشقى كەزەڭىنە قاتىساتىن كوماندالار انىقتالدى

استانا. قازاقپارات - فۋتبولدان قازاقستان كۋبوگىنىڭ العاشقى كەزەڭىنە قاتىساتىن كوماندالار انىقتالدى، دەپ حابارلايدى قازاقپارات ءتىلشىسى.

بۇل جونىندە قازاقستان كاسىپقوي فۋتبول ليگاسى ءمالىم ەتتى.

قازاقستان كۋبوگىنىڭ العاشقى ساتىسىنداعى ويىندا 15- ناۋرىزدا شىمكەنت قالاسىندا باستالادى. ءبىرىنشى كەزەڭ ويىندارىنا ءبىرىنشى جانە ەكىنشى ليگادا وينايتىن 16 كوماندا باق سىنايدى. كوماندالار نەگىزگى كەزەڭگە قاتىسۋعا مۇمكىندىك بەرەتىن ەكى جولداما ءۇشىن تالاسادى.

العاشقى كەزەڭدە 16 كوماندا ءتورت توپتا سايىسقا تۇسەدى. ءاربىر توپتىڭ جەڭىمپازى پلەي-وفف كەزەڭىندە ءبىر-بىرىمەن كەزدەسىپ، جارىستىڭ نەگىزگى كەزەڭىنە قاتىساتىن 14 كوماندا قاتارىنا قوسىلادى.

قازاقستان كۋبوگىنىڭ العاشقى كەزەڭىندە «وڭتۇستىك اكادەمياسى» (شىمكەنت)، «اقجايىق» (ورال)، «التاي» (وسكەمەن)، «ارىس» (ارىس)، «ەلىماي» (سەمەي)، «جاس قىران» (الماتى)، «جەتىساي» (جەتىساي)، «جەڭىس» (استانا)، «قىران» (تۇركىستان وبلىسى)، «تاراز» (تاراز)، «تۇران» (تۇركىستان)، «ۇلىتاۋ» (جەزقازعان)، «حان ءتاڭىرى» (الماتى)، «ياسسى» (تۇركىستان)، «AKAS» (الماتى)، «SD Family» (استانا) كلۋبتارى ءوزارا سايىسقا تۇسەدى.

قازاقستان كۋبوگىنىڭ العاشقى جانە نەگىزگى كەزەڭدەرىنىڭ جەرەبەسى 13- اقپاندا تارتىلادى.

ەسكە سالساق، بۇدان بۇرىن دامۋ كۋبوگىندا قازاقستان جاس وسپىرىمدەر قۇراماسى ەكىنشى جەڭىسىنە قول جەتكىزگەنىن حابارلاعان ەدىك.