13:52, 09 - اقپان 2023 | GMT +5
قۇرىلىس كومپانياسى ءۇي سالماق بولعان كوشەنى الماتىلىقتارعا قايتارىپ بەردى
الماتى. قازاقپارات - الماتىدا قۇرىلىس كومپانياسى تۇرعىن ءۇي كەشەنىن سالعىسى كەلگەن كوشەنى تۇرعىندارعا قايتارىپ بەردى، دەپ حابارلايدى قازاقپارات ءتىلشىسى.
«بىلتىر جەلتوقساننىڭ باسىندا پوليتەحنيچەسكايا كوشەسىنىڭ جابىلۋى قوعامدا رەزونانس تۋدىردى.
«TUAR Invest» قۇرىلىس سالۋشىنىڭ جوباسى بويىنشا سەرىكتەستىككە تيەسىلى بۇل كوشەنىڭ ءبىر بولىگى جابىلىپ، وعان ەكى تۇرعىن ءۇي كەشەنى سالىنادى دەپ جوسپارلانعان بولاتىن. قۇرىلىس سالۋشى جوبانى وزگەرتتى، قازىرگى ۋاقىتتا كوشە اشىق، كومپانيانىڭ جەكە قاراجاتى ەسەبىنەن جول بولىگى قالپىنا كەلتىرىلدى. اقپاننىڭ اياعىنا دەيىن جەر تەلىمى قالانىڭ كوممۋنالدىق مەنشىگىنە بەرىلەدى»، - دەدى ەربولات دوسايەۆ.
بىلتىر الەۋمەتتىك جەلىلەر مەن ب ا ق- تا سەيفۋللين داڭعىلى مەن بايتۇرسىنوۆ كوشەسىن بايلانىستىراتىن پوليتەحنيچەسكايا كوشەسى جاڭا تۇرعىن ءۇي كەشەنىنىڭ قۇرىلىسى ءۇشىن جابىلىپ جاتىر دەگەن اقپارات تاراعان بولاتىن.
اۆتور
الما مۇقانوۆا
