الماتىدا عيماراتتارعا سەيسميكالىق اۋديت جۇرگىزىلەدى
الماتى اكىمىمەن كەزدەسۋگە كەلگەن بوستاندىق اۋدانىنىڭ تۇرعىنى قالاداعى عيماراتتاردىڭ سەيسميكالىق توزىمدىلىگىن كۇشەيتۋ ماسەلەسىن كوتەردى.
«ءبىز قالانىڭ باس جوسپارىن تالقىلاۋىندا بولدىق، نەگە ول جەردە عيماراتتاردىڭ سەيسميكالىق كۇشەيتۋى ەسكەرىلمەيدى؟ تۇركياداعى ءزىلزالا ونىڭ وتە قاۋىپتى ەكەنىن كورسەتتى»، - دەيدى الماتىلىق.
الماتى اكىمى 2021 -جىلدىڭ 1-شىلدەسىنەن باستاپ قالادا سەيسميكالىق ميكروايماقتاندىرۋدىڭ جاڭا كارتاسى بەكىتىلگەنىن، ونداعى بارلىق اقاۋلار ەسكەرلىگەنىن ايتتى.
«الماتىدا عيماراتتاردى سەيسميكالىق كۇشەيتۋ جۇمىستارى جۇرگىزىلۋدە، بۇل باعىتتاعى جۇمىستار جالعاسىپ جاتىر. بۇگىندە قالا قاز ق س ع ز ي بەكىتكەن تالاپتارعا ساي ءومىر سۇرۋدە. 2017-2018 -جىلدارى ينستيتۋتتا اۋديت جۇرگىزىلدى. بيىلعى جىلدىڭ ەكىنشى جارتىسىندا ءبىز قالانىڭ جاڭا سەيسميكالىق اۋديتىن باستايمىز. جاڭا باس جوسپارعا كەلەتىن بولساق، 2020-2021 -جىلدارى الماتىدا جاڭا تەكتونيكالىق ويىقتار پايدا بولعانىن بىلەسىزدەر. جاڭا باس جوسپاردا بارلىق قاجەتتى سەيسميكالىق تالاپتار، سونىڭ ىشىندە جاڭا ويىقتار ەسكەرىلگەن: اباي كوشەسىنىڭ جوعارى جاعى 10 بال، ودان تومەن 9 بالدىق ايماقتا ورنالاسقان»، - دەدى اكىم.
