قازاقستاندا شەتەل ازاماتتارىنىڭ تۇراقتى تۇرۋىنا رۇقسات بەرۋ قاتاڭداتىلدى

استانا. قازاقپارات - قازاقستاندا شەتەلدىكتەردىڭ تۇراقتى تۇرۋىنا رۇقسات الۋ ەرەجەسىنە وزگەرىستەر ەنگىزىلدى.

ەندى ولار شەتەلدىك ءتولقۇجاتىن دا وتكىزۋى كەرەك، - دەپ حابارلايدى قازاقپارات Tengritravel.kz-كە سىلتەمە جاساپ.

«قولدانىستاعى زاڭناماعا سايكەس كەلتىرۋ ماقساتىندا 2023 -جىلعى 6-قاڭتاردا ىشكى ىستەر مينيسترلىگىنىڭ بۇيرىعىمەن تۇراقتى تۇرۋعا ىقتيارحات بەرۋ قاعيدالارىنا وزگەرىستەر ەنگىزىلدى. ەندى شەتەل ازاماتتارى وزدەرىنىڭ شەتەلدىك ءتولقۇجاتىن ۇسىنۋى قاجەت. ونىڭ جارامدىلىق مەرزىمى تۇراقتى تۇرۋعا ءوتىنىش بەرگەن كەزدە 180 كۇنتىزبەلىك كۇننەن از بولماۋى كەرەك»، - دەلىنگەن حابارلامادا.

بۇرىن ەرەجەدە شەتەلدىك مەرزىمى وتكەن قۇجاتىن وتكىزسە، ونىڭ ءوتىنىشى قابىلدانبايتىن.

«ۋاقىتشا تۇرۋعا رۇقسات الۋ ءۇشىن تۇرعىن ءۇي يەسىنىڭ، ودان سەنىمحات بويىنشا ارەكەت ەتەتىن ادامنىڭ جەكە كەلۋى نە مەنشىك يەسىنىڭ نوتاريالدى كۋالاندىرىلعان كەلىسىمى دە قاجەت. وزگەرىستەرگە سايكەس، رۇقساتتى راسىمدەۋ كەزىندە كورسەتىلگەن مەكەنجايدا مەكەنجايدىڭ تىركەۋ كودى بولۋعا ءتيىس. بۇل شارالار شەتەلدىكتەردى جوق مەكەنجايلارعا، سونىمەن بىرگە ءوتىنىش بەرۋشىگە قاتىسى جوق مەكەنجايلارعا تىركەۋ مۇمكىندىگىن بولدىرماۋ ماقساتىندا قابىلداندى»، - دەپ ءتۇسىندىردى ءى ءى م.