تۇركيادا مۇستافا وزتۇرىكتىڭ تۋىستارى زارداپ شەكتى
تۇرىك پرەزيدەنتى 1 جىل ىشىندە 10 ولكەدە قيراعان عيماراتتاردى قالپىنا كەلتىرۋ جۇمىستارى اياقتالادى، دەپ سەندىردى.
جاڭادان ۇيلەر سالىنىپ، تۇرعىندارعا كومەك كورسەتىلەدى. سوڭعى مالىمەتكە سۇيەنسەك، اپاتتان 9000-نان استام ادام قازا تاپتى. تاعى 40 مىڭنان استامى جاراقات العان. «ەشكىم ەلەۋسىز قالمايدى».
بۇل تۇرىك پرەزيدەنتىنىڭ زارداپ شەككەن ءوڭىر تۇرعىندارىمەن كەزدەسۋىندە ايتقان ءسوزى. رەدجەپ تايپ ەردوعان جاڭا ۇيلەر دايىن بولعانشا تۇرعىنداردى قوناق ۇيگە ورنالاستىرىلادى، دەدى.
رەدجەپ تايپ ەردوعان، تۇركيا پرەزيدەنتى:
- قازىر ءبىز انتاليا، الانيا مەن مەرسيندەگى قوناقۇي يەلەرىمەن كەلىسسوز جۇرگىزدىك. ەگەر تۇرعىندار قالاسا، سول جاققا جىبەرۋگە ءازىرمىز. سەبەبى مىنا جەردەگى ۋاقىتشا شاتىرلار ادامدارعا قولايسىزدىق تۋعىزۋى مۇمكىن. ال قوناق ۇيلەردە بارلىق جاعداي جاسالعان.
اپات اۋماعى مىڭ شاقىرىم رەسمي ورگاندار جەر سىلكىنىسىنەن كەيىن ايماقتا 11 مىڭنان اسا عيماراتتىڭ قيراعانىن حابارلادى. مىڭداعان ءۇي جەرمەن جەكسەن بولدى. وسى ۋاقىتقا دەيىن قۋاتى ءارتۇرلى 684 سەيسميكالىق تولقۋ تىركەلدى. بيلىك تۇرعىنداردىڭ قاۋىپسىزدىگىنە الاڭداۋلى. سول سەبەپتى اپاتتى عيماراتتاردىڭ ماڭىنا جاقىنداماۋدى ەسكەرتەدى.
ەرىكتىلەر كومەككە باردى وكىنىشكە قاراي، حاتاي پروۆينسياسىندا ەكى قانداسىمىز ءۇيىندى استىندا قالىپ قويعان. ولار مۇستافا وزتۇرىكتىڭ تۋىستارى ەكەنى بەلگىلى بولدى. نۇراي جانە بۋشرا قازاققا كومەكتەسۋ ءۇشىن ىستامبۇلدان ءبىر توپ ەرىكتى جولعا شىقتى.
ەركان شالىشكان:
- قازىر انتاكياعا (حاتايعا) كىردىك. جۇك كولىگىنىڭ ىشىندەمىز. ءۇيىندىنىڭ ىشىندە قازاق اپكەمىز بەن قارىنداسىمىز بار. سولارعا كومەكتەسۋ ءۇشىن بارا جاتىرمىز. جولدار وتە قيىن. ماشينالار جۇرمەيدى. كومەك ءۇشىن فۋرامەن ءجۇرمىز. ىشىندە زاتتار بار. سول كومەككە اپاراتىن. تەز ۋاقىتتا جەتۋىمىز كەرەك. اپكەمىز بەن قارىنداسىمىز ءۇش كۇننەن بەرى جىعىلعان ءۇيدىڭ استىندا. سوعان تەز كومەك سۇراپ وتىرمىز.
جەر سىلكىنىسى ايماعىندا 50 مىڭنان استام شاتىر قۇرىلعان. وندا ءزىلزالادان زارداپ شەككەن تۇرعىندار ورنالاستىرىلادى.
www.24.kz
