بەلگيا تۇركياداعى جارالىلارعا ارناپ دالالىق اۋرۋحانا ۇيىمداستىرادى

بريۋسسەل. قازاقپارات - بۇگىن بەلگيا قۇتقارۋ قىزمەتىنىڭ العاشقى توبى تۇركياعا اتتاندى، دەپ حابارلايدى قازاقپارات ءتىلشىسى.

بەلگيالىق ب ا ق- تىڭ حابارلاۋىنشا، مەملەكەت قۇتقارۋشىلارىنىڭ مىندەتتەرىنىڭ ءبىرى اپات بولعان جەردە دالالىق گوسپيتال سالۋ بولماق.

دالا اۋرۋحاناسى كەلەسى اپتادا جۇمىسىن باستايدى. بەلگيالىق دارىگەرلەر كۇنىنە 100-دەن استام ناۋقاستى قابىلداي الادى. 70-80 بەلگيالىق كوماندا جەدەل حيرۋرگياعا ماماندانعان دارىگەرلەردەن تۇرادى، ونى جەدەل جاردەم مەدبيكەلەرى مەن باسقا دا مەديتسينا ماماندارى تولىقتىرادى.

بريگادا ول جەردە وپەراتسيالاردى جۇرگىزە الادى جانە باسقا دا مەديتسينالىق كومەك كورسەتە الادى. انا مەن بالاعا ارنالعان ارنايى ءبولىم دە جابدىقتالادى.

دالالىق اۋرۋحانا تۇرىك اۋرۋحانالارىنا جۇكتەمەنى ازايتۋعا كومەكتەسەدى.

6- اقپاندا تۇركيانىڭ وڭتۇستىك- شىعىسىندا ماگنيتۋداسى 7 باللدان اساتىن ەكى جەر سىلكىنىسى بولدى (جەرگىلىكتى ۋاقىت بويىنشا 04:17-دە - 7,7 بالل جانە 13:24-تە - 7,6 بالل). تۇركياداعى جەر سىلكىنىسىنەن قازا تاپقاندار سانى 9057-گە جەتتى

پرەزيدەنت رەجەپ تايىپ ەردوعان تابيعي اپات قۇرباندارىنا بايلانىستى تۇركيادا جەتى كۇندىك ۇلتتىق ازا تۇتۋ جاريالادى. تۇركيانىڭ مەملەكەتتىك تۋلارى بۇكىل ەلدە جارتىلاي ءتۇسىرىلدى.

اۆتور

اسحات رايقۇل