ەلوردادا شەتەلدىك كولىكتى زاڭسىز تىركەۋمەن اينالىسقان قىلمىستىق توپ ۇستالدى
بۇل ىستەر بويىنشا جۇرگىزۋشى كۋالىگىن بەرۋ كەزىندە 60 مىڭعا جۋىق زاڭسىز ءىس-ارەكەت جاسالدى، ال زاڭسىز اكەلىنگەن 2 مىڭنان استام اۆتوكولىك ەسەپكە قويىلدى.
قىلمىستار استانا، شىمكەنت قالالارىندا، اقمولا، قوستاناي جانە جامبىل وبلىستارىندا جاسالدى. 13 ادام قىلمىستىق جاۋاپكەرشىلىككە تارتىلدى.
ەلوردادا كوزدەلگەن الىمدار مەن تولەمدەردى تولەمەي، شەتەلدەن اكەلىنگەن اۆتوكولىكتەردى تىركەۋ ەسەبىنە زاڭسىز قويۋمەن اينالىساتىن ارنايى ح ق ك و قىزمەتكەرلەرى مەن ازاماتتىق تۇلعالاردان تۇراتىن ۇيىمداسقان قىلمىستىق توپتىڭ قىزمەتى توقتاتىلدى.
قىلمىستىق توپ ازاماتتاردى شەتەلدىك اۆتوكولىكتەردى ەسەپكە قويۋدىڭ زاڭدىلىعىنا قاتىستى الداۋ جولىمەن، ولاردىڭ اقشالارىن ۇرلاپ، 500 گە جۋىق كولىك قۇرالىن زاڭسىز تىركەۋدى جۇزەگە اسىردى.
ءبىر كولىك قۇرالىن رەسىمدەۋ اۆتوكولىك جۇرگىزۋشىلەرىنە 400 مىڭنان 1,6 ميلليون تەڭگەگە دەيىن شىعىن كەلتىردى.
اتالعان ادامداردىڭ قىلمىستىق ءىس-ارەكەتىنىڭ ناتيجەسىندە مەملەكەتكە تولەنبەگەن مەملەكەتتىك باجدار مەن الىمدار تۇرىندە شامامەن 1 ميلليارد تەڭگە سوماسىنا زالال كەلتىرىلدى.
تەرگەۋ سوتىنىڭ سانكسياسىمەن قىلمىستىق توپتىڭ 9 قاتىسۋشىسى، ونىڭ ىشىندە ەلوردالىق ارنايى ح ق ك و باسشىسى قاماۋعا الىندى.
سوتقا دەيىنگى تەرگەۋ جالعاسۋدا.
اعىمداعى جىلدىڭ 7-اقپانىندا قىلمىستىق ىستەر جانە ارنايى ح ق ك و قىزمەتىندەگى سىبايلاس جەمقورلىققا قارسى مونيتورينگ ناتيجەلەرى اگەنتتىك ءتوراعاسىنىڭ ورىنباسارى اسحات جۇماعالي باستاعان كەڭەيتىلگەن كەڭەستە تالقىلاندى.
سىبايلاس جەمقورلىققا قارسى ءىس- قيمىل جونىندەگى قوعامدىق كەڭەستىڭ ءتوراعاسى مارات باشيموۆ، ىشكى ىستەر مينيسترلىگىنىڭ، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ وكىلدەرى، «ازاماتتارعا ارنالعان ۇكىمەتتىڭ مەملەكەتتىك كورپوراتسياسى» ك ە ا ق باسشىلىعى، قوعام قايراتكەرلەرى، اگەنتتىكتىڭ اۋماقتىق دەپارتامەنتتەرىنىڭ باسشىلارى قاتىستى.
سىندارلى ديالوگ ءوتىپ، جۇرگىزۋشى كۋالىكتەرىن زاڭسىز الۋ، شەتەلدىك اۆتوكولىكتەردى ەسەپكە قويۋ بويىنشا قولدا بار قىلمىستىق سحەمالار جاريالاندى، سونداي-اق ولاردى جويۋ جونىندەگى شارالار تالقىلاندى.
ۋاكىلەتتى ورگاندارعا اگەنتتىكتىڭ وسى سالاداعى جەمقورلىق تاۋەكەلدەرىن بولدىرماۋ جونىندەگى ۇسىنىمدارى جەتكىزىلدى.
اتاپ ايتقاندا، اقپاراتتىق جۇيەلەردى قورعاۋدى قامتاماسىز ەتۋ، ءى ءى م وڭىرلىك بولىمشەلەرىنىڭ اۆتوموبيلدەردىڭ تىركەۋ دەرەكتەرىن تۇزەتۋ فۋنكسياسىن بولدىرماۋ قاجەتتىگى كورسەتىلگەن.
نورماتيۆتىك قۇقىقتىق اكتىلەردە، ونىڭ ىشىندە ەمتيحان كوميسسياسىنىڭ جۇمىسىن، شەتەلدەن اكەلىنگەن اۆتوموبيلدەردى تىركەۋدى جانە وسى سالاداعى باسقا دا ماسەلەلەردى رەتتەيتىن ولقىلىقتاردى جويۋ ۇسىنىلادى.
سونداي-اق، كولىك قۇرالدارىن قايتا تىركەۋ كەزىندە ولاردىڭ «VIN- كودىن» تەكسەرۋدى قايتارۋ تۋرالى ماسەلەنى قاراستىرۋ ۇسىنىلدى.
جالپى، كەڭەس قورىتىندىسى بويىنشا ۋاكىلەتتى ورگاندارمەن بىرلەسىپ، قوعام قايراتكەرلەرىنىڭ پىكىرلەرىن ەسكەرە وتىرىپ، ارنايى ح ق ك و قىزمەتىندە جەمقورلىقتى جويۋ بويىنشا شارالار كەشەنى ازىرلەندى.
اگەنتتىكتىڭ اۋماقتىق دەپارتامەنتتەرىنىڭ باسشىلارىنا وسى جۇمىستى جەرگىلىكتى دەڭگەيدە ۇيلەستىرۋدى جۇزەگە اسىرۋ تاپسىرىلدى.
