ەلوردالىق ت ج د تۇركياعا جىبەرىلەتىن ەرىكتىلەر جاساقتاپ جاتىر ما
«استانا قالاسىنىڭ ت ج د كەزەكشىلىك بولىمىندە جەر سىلكىنىسى سالدارى اۋماعىنا جونەلتۋ ءۇشىن ەرىكتىلەر جينالۋدا. استانا قالاسى، بەيبىتشىلىك كوشەسى 22. ازاماتتار ىشىنەن ءبىرىنشى بولىپ جازىلدىم. ارىپتەستەردەن قوڭىراۋ كۇتەمىن»، دەپ جازدى نۇرعالي عابيت ەسىمدى ازامات Facebook پاراقشاسىندا.
وسىعان وراي استانا قالالىق ت ج د رەسمي مالىمدەمە جاسادى.
ۆەدومستۆونىڭ Facebook پاراقشاسىندا جاريالانعان مالىمدەمەدە: «استانا قالاسىنىڭ توتەنشە جاعدايلار دەپارتامەنتىنە تۇركيا ەلىنە كومەك كورسەتۋگە جىبەرۋگە ەلوردالىق ت ج د ەرىكتىلەردى جيناپ جاتىر دەگەن اقپارات كەلىپ تۇسۋدە. ءوز كەزەگىندە، بۇل اقپارات شىندىققا سايكەس كەلمەيتىنىن حابارلايمىز! بۇگىنگى تاڭدا قاجەتتى قۇتقارۋ جابدىقتارىمەن جابدىقتالعان 40 قازاقستاندىق قۇتقارۋشى تۇركيادا، گازيانتەپ قالاسىندا. سونداي- اق تاجىريبەلى ماماندار، كينولوگتار، اپاتتار مەديتسيناسى ورتالىعىنىڭ دارىگەرلەرى قاتارىنان قوسىمشا 60 قۇتقارۋشى بۇگىن جويقىن جەر سىلكىنىسىنىڭ زارداپتارىن جويۋعا كومەك كورسەتۋگە بارا جاتىر. وسىعان بايلانىستى ازاماتتاردان تەك رەسمي دەرەككوزدەرگە سەنۋدى سۇرايمىز»، - دەلىنگەن.
