قازاقستاندىق بالالار ب ۇ ۇ- عا تىكەلەي شاعىمدانا الادى

نيۋ-يورك. قازاقپارات - نيۋ-يوركتەگى بىرىككەن ۇلتتار ۇيىمىنىڭ شتاب-پاتەرىندە قازاقستان رەسپۋبليكاسىنىڭ ب ۇ ۇ جانىنداعى تۇراقتى وكىلى اقان راحمەتۋللين قازاقستان اتىنان بالا قۇقىقتارى تۋرالى كونۆەنتسياعا حابارلار راسىمىنە قاتىستى فاكۋلتاتيۆتىك حاتتاماعا قول قويدى، دەپ حابارلايدى قازاقپارات سىرتقى ىستەر مينيسترلىگى سايتىنا سىلتەمە جاساپ.

قازاقستان ب ۇ ۇ باس اسسامبلەياسى 2011 -جىلعى جەلتوقساندا قابىلداعان جانە 2012 -جىلعى 28-اقپاندا قول قويۋ ءۇشىن اشىلعان وسى ادام قۇقىقتارى سالاسىنداعى ماڭىزدى حالىقارالىق شارتقا قول قويعان 53-مەملەكەت بولدى.

قۇجات ب ۇ ۇ- نىڭ بالا قۇقىقتارى جونىندەگى كوميتەتىنە (بالا قۇقىقتارى سالاسىنداعى 18 تاۋەلسىز ساراپشىلار توبى) ب ۇ ۇ-نىڭ بالا قۇقىقتارى بويىنشا ءۇش نەگىزگى قۇجاتپەن (بالا قۇقىقتارى تۋرالى كونۆەنتسيا جانە ونىڭ ەكى فاكۋلتاتيۆتىك حاتتاماسى - بالالاردى قارۋلى قاقتىعىستارعا تارتۋ جانە بالالاردى ساتۋ، بالالار جەزوكشەلىگى جانە بالالار پورنوگرافياسى تۋرالى) كوزدەلگەن بالا قۇقىقتارىنىڭ بۇزىلۋى تۋرالى شاعىمداردى قابىلداۋ جانە قاراۋ وكىلەتتىگىن بەرەدى.

3-فاكۋلتاتيۆتىك حاتتاماعا سايكەس، بالالار نەمەسە ولاردىڭ وكىلدەرى ب ۇ ۇ-نىڭ بالا قۇقىقتارى جونىندەگى كوميتەتىنە ءوز قۇقىقتارىنىڭ بۇزىلۋى تۋرالى تىكەلەي شاعىم بەرە الادى. كوميتەت، ءوز كەزەگىندە، ءاربىر ءىستى قاراپ، قاتىسۋشى مەملەكەتتەرگە ناقتى ۇسىنىستار باياندالعان شەشىمدەر قابىلدايدى.

بۇل قۇجاتقا قول قويۋ قازاقستاننىڭ بالا قۇقىقتارىن قامتاماسىز ەتۋگە جانە بالالاردى قۇقىقتىق قورعاۋدىڭ ۇلتتىق تەتىكتەرىن نىعايتۋعا بەيىلدىلىگىن راستايدى.

قۇجات قازاقستان رەسپۋبليكاسى ءۇشىن ونى پارلامەنت راتيفيكاتسيالاعاننان كەيىن كۇشىنە ەنەدى.

فوتو: ق ر س ءى م باسپا ءسوز قىزمەتى