بىرنەشە وتباسى تۇركيادا وقىپ جاتقان بالالارىن ىزدەپ بىزگە جۇگىندى - ايبەك سمادياروۆ

استانا. قازاقپارات - كەيىنگى تاۋلىك ىشىندە تۇركيادا بالالارى وقىپ جاتقان بىرنەشە قازاقستاندىق وتباسى سىرتقى ىستەر مينيسترلىگىنە جۇگىنگەن.

بۇل جايىندا ۆەدومستۆونىڭ رەسمي وكىلى ايبەك سمادياروۆ ب ا ق وكىلدەرىمەن وتكەن بريفينگىدە ايتتى، دەپ حابارلايدى قازاقپارات ءتىلشىسى.

«كەيىنگى تاۋلىك ىشىندە بىرنەشە وتباسى تۇركيادا وقىپ جاتقان بالالارىن ىزدەپ جۇگىندى. قازىر ول اقپاراتتىڭ ءبارى تەكسەرىلىپ جاتىر. ازىرگە ناقتى ەشتەڭە ايتا المايمىن. ويتكەنى، بىلەسىزدەر، گۋمانيتارلىق اپات بولعان كەزدە جەرگىلىكتى بيلىكپەن بايلانىس ورناتۋ بويىنشا كەيبىر قيىندىقتار تۋىندايدى. جالپى، تۇرىك بيلىگى ءبىزدىڭ ازاماتتار بار بولسا نەمەسە جوق بولسا، ول تۋرالى دەرەۋ حابارلايدى. تۇرىك بيلىگىمەن جاقسى بايلانىس ورناتىلعان»، - دەدى ايبەك سمادياروۆ.

ەسكە سالساق، تۇركيانىڭ وڭتۇستىك-شىعىسىندا بولعان ءزىلزالادان قازا تاپقاندار سانى 2921 ادام ەكەنى حابارلانعان ەدى. سوڭعى دەرەكتەر بويىنشا، اپاتان زارداپ شەككەندەر سانى 3419 عا جەتكەن.

بۇگىن تاڭەرتەڭ قازاقستان ت ج م 41 قۇتقارۋشىسى اپات سالدارىن جويۋعا كومەك كورسەتۋ ءۇشىن تۇركياعا جەتتى.

قازىرگى تاڭدا تۇركيادا قالعان قازاقستان ازاماتتارىن گازيانتەپ قالاسىنان ەلگە اكەتۋ شارالارى جۇرگىزىلىپ جاتىر. ەلگە قايتامىن دەگەن قازاقستان ازاماتتارى 7- اقپان ساعات 12:00 دە گازيانتەپ قالاسىنىڭ اۋەجايىندا ءتيىستى پروتسودۋرادان ءوتىپ، دايىن بولۋى ءتيىس. سونىمەن قاتار، قازاقستانعا ورالۋعا نيەتتى ازاماتتار ءتىزىمىن جاساۋ ءۇشىن 905388807041+، 903124919100+ تەلەفون نومەرلەرىنە حابارلاسۋى كەرەك.

ايتا كەتسەك، قازاقستان اۋىل شارۋاشىلىعى مينيسترلىگى تۇركياداعى جاعدايعا بايلانىستى ازىق-تۇلىكپەن گۋمانيتارلىق كومەك كورسەتۋگە دايىن ەكەنىن مالىمدەدى.

ال، قازاقستان قۇتقارۋشىلارىن اپارعان بورتپەن تۇركيادان 16 قازاقستاندىق جانە 2 قىرعىز رەسپۋبليكاسىنىڭ ازاماتى استاناعا جەتكىزىلەدى.

سونداي-اق، تۇركياداعى جەر سىلكىنىسىنە بايلانىستى شۇعىل جەلى اشىلدى.