اۆتوموبيلگە جەڭىلدەتىلگەن نەسيە العانداردىڭ ءتىزىمى اشىق جاريالانۋى مۇمكىن
ۇكىمەت وتىرىسىنان كەيىن ب ا ق وكىلدەرى يندۋستريا جانە ينفراقۇرىلىمدىق دامۋ ءمينيسترى مارات قارابايەۆقا «اۆتوموبيلگە جەڭىلدەتىلگەن نەسيە العان وتانداستارىمىزدىڭ تىزىمىنە قول جەتكىزۋ مۇمكىندىگى بار ما؟» دەگەن ساۋال قويدى. مينيستر سۇراقتى «ونەركاسىپتى دامىتۋ قورى» ا ق باسقارما ءتوراعاسىنىڭ ورىنباسارى رينات گاپپاروۆقا اۋداردى.
«ماسەلەنى باعدارلاماعا قاتىسۋشىلاردىڭ الدىندا كوتەرىپ، قاراستىرامىز»، - دەدى ول.
مينيستر م. قارابايەۆتىڭ مالىمدەۋىنشە، اۆتوموبيل نەسيەسىنىڭ سايتى جەتىلدىرىلە تۇسەدى.
«جالپى، اتالعان باعدارلاما اشىق جۇزەگە اسىرىلادى. ادامي فاكتورعا جول بەرىلمەيدى. باعدارلاما جۇمىسىن جەتىلدىرە تۇسۋگە ارنالعان ۇسىنىستاردى قاراۋعا ءازىرمىز»، - دەيدى ۆەدومستۆو باسشىسى.
بۇعان دەيىن اۆتوموبيلگە جەڭىلدەتىلگەن نەسيەگە ءوتىنىمدى سمارتفون ارقىلى بەرۋ مۇمكىندىگى تۋرالى ايتىلعان ەدى.
سونداي-اق، قارجى ءمينيسترى ەرۇلان جاماۋبايەۆ سۇرانىستىڭ ارتۋىنا بايلانىستى قوسىمشا قارجى ءبولۋ ماسەلەسى تۋرالى ساۋالعا جاۋاپ بەردى.
