18:19, 07 - اقپان 2023 | GMT +5
تۇركىستان وبلىسىندا اۋداندىق پوليسيا ءبولىمى باستىعىنىڭ بۇرىنعى ورىنباسارى ۇستالدى
استانا. قازاقپارات - تۇركىستان وبلىسى بويىنشا سىبايلاس جەمقورلىقپەن كۇرەس قىزمەتى تۇركىستان وبلىسى ساۋران اۋداندىق پوليسيا ءبولىمى باستىعىنىڭ بۇرىنعى ورىنباسارىنا، پوليسيا پولكوۆنيگىنە قاتىستى سوتقا دەيىنگى تەرگەپ- تەرگەۋدى باستادى.
بۇل تۋرالى قازاقپارات ق ر سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتىنە سىلتەمە جاساپ حابارلايدى.
پولكوۆنيككە پوليتسيا بولىمىندە الاياقتىق فاكتىسى بويىنشا تەرگەلىپ جاتقان تۇلعالاردى قىلمىستىق جاۋاپقا تارتۋعا جانە ءىس بويىنشا زالالدى وتەۋگە جاردەمدەسۋ ءۇشىن الاياقتىق جولمەن 1 ميلليون تەڭگە مولشەرىندە اقشا الدى دەگەن كۇدىك كەلتىرىلىپ وتىر.
كۇدىكتىنىڭ كىناسىن تولىق مويىنداۋى جانە كەلتىرىلگەن زالالدى وتەۋىنە بايلانىستى وعان تەرگەۋ سوتىنىڭ سانكتسياسىمەن «ءۇيقاماق» بۇلتارتپاۋ شاراسى سانكسيالاندى.
«سوتقا دەيىنگى تەرگەپ- تەكسەرۋ جالعاسۋدا. وزگە اقپارات تەرگەۋ مۇددەسىندە جاريا ەتۋگە جاتپايدى»، - دەلىنگەن حابارلامادا.
