دجو بايدەن تۇركيا مەن سيريادا قازا تاپقاندارعا كوڭىل ايتتى
ا ق ش پرەزيدەنتىنىڭ مالىمدەمەسىندە تۇركيا مەن سيريادا مىڭداعان ادامنىڭ ءومىرىن قيعان جويقىن جەر سىلكىنىسى جايلى حاباردى زور كۇيزەلىسپەن قابىلداعانى ايتىلعان.
دجو بايدەن جۇبايى دجيلمەن بىرگە جاقىندارىنان ايىرىلعان، جاراقات العان جانە باسپاناسىنان ايىرىلعانداردىڭ بارلىعىنا قايعىرىپ كوڭىل ايتتى.
امەريكا پرەزيدەنتى ا ق ش اكىمشىلىگىنىڭ تۇرىك بيلىگىمەن تىعىز ىنتىماقتاستىقتا ەكەنىن اتاپ ءوتتى. دج. بايدەننىڭ تاپسىرماسىمەن ا ق ش- تىڭ جوعارى لاۋازىمدى شەنەۋنىكتەرى بارلىق قاجەتتى كومەك كورسەتۋدى ۇيلەستىرۋ ءۇشىن دەرەۋ تۇرىك ارىپتەستەرىمەن بايلانىسقا شىقتى.
تۇركيانىڭ ىزدەۋ- قۇتقارۋ قىزمەتتەرى مەن زارداپ شەككەندەرگە كومەك كورسەتۋ ءۇشىن ا ق ش- تان قۇتقارۋ توپتارى جىبەرىلدى. ا ق ش قولدايتىن گۋمانيتارلىق سەرىكتەستەر ءزىلزالادان زارداپ شەككەن سيرياعا دا كومەك كورسەتتى.
