تۇركيادا ءزىلزالادان قازا تاپقاندار سانى ساعات سايىن وسۋدە
وقيعا ورنىندا 24 مىڭنان اسا قۇتقارۋشى كۇنى-ءتۇنى جۇمىس جۇرگىزىپ جاتىر.
بۇعان دەيىن تۇركيانىڭ ۆيتسە-پرەزيدەنتى فۋات وكتاي ۇيىندىلەر استىنان 7840 ادام قۇتقارىلعانىن حابارلاعان ەدى. جاتاقحانالاردا، ۋنيۆەرسيتەتتەردە جانە باسپانالاردا 338000 ادام ورنالاستىرىلعان.
پرەزيدەنت رەجەپ تايىپ ەردوعان تۇركيادا اپات قۇرباندارى ءۇشىن 7 كۇندىك جالپىۇلتتىق ازا تۇتۋ تۋرالى جاريالادى.
تاعى دا سىلكىنىستەر قاۋپى بولعاندىقتان، تۇركيا بيلىگى حالىققا ۇيلەرىنە قايتا بارماۋعا كەڭەس بەرەدى.
ايتا كەتەيىك، قازاقستان توتەنشە جاعدايلار مينيسترلىگىنىڭ قۇتقارۋشىلارى جەر سىلكىنىسى سالدارىن جويۋعا كومەك كورسەتۋ ءۇشىن الماتىدان تۇركياعا اتتاندى.
ونىڭ قۇرامىندا قازاقستاننىڭ رەسپۋبليكالىق جەدەل قۇتقارۋ جاساعىنىڭ قۇتقارۋشىلارى، مەديتسينالىق قىزمەتكەرلەر جانە قۇتقارۋشى يتتەر بار.
ءتيىستى تاپسىرمانى قازاقستان پرەزيدەنتى قاسىم-جومارت توقايەۆ بەردى. بورت ءبىرىنشى كەزەكتە گازيانتەپ قالاسىنا بارادى.
سوڭعى مالىمەت بويىنشا، تۇركيادا ءزىلزالا قۇرباندارىنىڭ سانى 3 مىڭعا جەتتى.
تۇركيا پرەزيدەنتى رەجەپ تايىپ ەردوعان ەلدىڭ وڭتۇستىك-شىعىسىندا بولعان جويقىن جەر سىلكىنىسىنە بايلانىستى 12- اقپانعا دەيىن جەتى كۇندىك ۇلتتىق ازا تۇتۋ جاريالادى.
