جەڭىلدەتىلگەن اۆتونەسيە باعدارلاماسىنا قوسىمشا قارجى بولىنبەيدى - ەرۇلان جاماۋبايەۆ

استانا. قازاقپارات - كەشە باستالعان جەڭىلدەتىلگەن پايىزبەن اۆتونەسيە بويىنشا مەملەكەتتەن قوسىمشا قارجى ءبولىنۋ مۇمكىندىگىنە قاتىستى تۇسىنىك بەرىلدى، دەپ حابارلايدى قازاقپارات ءتىلشىسى.

«ازىرگە قوسىمشا ءوتىنىم تۇسكەن جوق. بىزدە اۆتونەسيەدەن باسقا دا الەۋمەتتىك ماڭىزدى باعدارلامالار بار»، - دەپ قىسقا قايىردى قارجى ءمينيسترى ەرۇلان جاماۋبايەۆ ۇكىمەت ۇيىندە تىلشىلەردىڭ ساۋالىنا جاۋاپ بەرە وتىرىپ.

بۇعان دەيىن «ونەركاسىپتى دامىتۋ قورى» ا ق باسقارما ءتوراعاسىنىڭ ورىنباسارى رينات گاپپاروۆ ۇكىمەتكە جەڭىلدەتىلگەن اۆتونەسيە جوباسىنىڭ سوماسىن ۇلعايتۋ تۋرالى ۇسىنىس جولداۋلارى مۇمكىن ەكەنىن ايتقان ەدى.

«ءبىز ۇكىمەتكە مىنانى ۇسىنامىز. جەڭىلدەتىلگەن اۆتونەسيەگە دەگەن ەل ىشىندەگى سۇرانىس ءقازىر ءبولىنىپ وتىرعان سومادان جوعارى ەكەنىن جەتكىزەمىز. ەسىڭىزدە بولسا، بىلتىر 100 ميلليارد تەڭگە بولىنگەن بولاتىن. قازىر سول اقشا ريەۆولەرلىك جۇيە بويىنشا يگەرىلىپ جاتىر»، - دەدى ول.

سونداي- اق وتىنىمدەردى قابىلداۋ شاراسىنىڭ قورىتىندىسى بويىنشا ۇكىمەتكە ەسەپ بەرەتىندەرىن اتاپ ءوتتى.

اۆتوكرەديت سايتىنا ءبىر مينۋتتا 125 مىڭ ادام كىرگەن. كەشە «ونەركاسىپتى دامىتۋ قورى» ا ق باسقارما ءتوراعاسىنىڭ ورىنباسارى رينات گاپپاروۆ ۇكىمەتكە جەڭىلدەتىلگەن اۆتونەسيە جوباسىنىڭ سوماسىن ۇلعايتۋ تۋرالى ۇسىنىس جولداۋلارى مۇمكىن ەكەنىن ايتتى.