ەل اۋماعى ارقىلى وتەتىن قارا جانە ءتۇستى مەتال ترانزيتىنە شەكتەۋ قويىلماق
بۇل تۋرالى يندۋستريا جانە ينفروقۇرىلىمدىق دامۋ مينيسترلىگى اشىق تالقىعا شىعارعان ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.
«مىس، اليۋميني، قورعاسىن، قارا مەتال قالدىقتارى مەن سىنىقتارى، بالقىتۋعا ارنالعان قارا مەتال قۇيمالارى، پايدالانۋدا بولعان قۇبىرلار، رەلستەر، تەمىرجول توسەمى مەن جىلجىمالى قۇرام ەلەمەنتتەرى، قورعاسىن باتەريالارى، قۇرامىندا قورعاسىن، كادمي نەمەسە سىناپ بار، حيميالىق ءتۇرى بويىنشا سۇرىپتالعان جانە قۇرامىندا قورعاسىن، كادمي نەمەسە سىناپ جوق، سۇرىپتالماعان جانە قۇرامىندا قورعاسىن، كادمي نەمەسە سىناپ جوق ءتۇستى مەتالداردىڭ قازاقستان اۋماعى ارقىلى ترانزيتىن 3 جىل مەرزىمگە شەكتەۋ ەنگىزىلسىن» دەلىنگەن قۇجاتتا.
شەكتەۋ ەنگىزىلۋى ىقتيمال ءتۇستى جانە قارا مەتالداردىڭ تولىق تىزىمىمەن مىنا سىلتەمە ارقىلى ءوتىپ، تانىسۋعا بولادى.
قاۋلىعا قوسىمشا بەرىلگەن تۇسىندەرمەدە جازىلعانداي، بۇل جوبانى قابىلداۋ الەۋمەتتىك-ەكونوميكالىق سالاعا جانە ۇلتتىق قاۋىپسىزدىكتى قامتاماسىز ەتۋگە تەرىس اسەر ەتپەيدى.
قۇجات 20- اقپانعا دەيىن كوپشىلىك تالقىلاۋدا بولادى.
