اكىمدەر بيۋدجەت قارجىسىنا سالىنعان ۇيلەردەگى كەمشىلىكتەردى جويۋى كەرەك - ءاليحان سمايىلوۆ
«مەملەكەتتىك باعدارلاما بويىنشا سالىنعان تۇرعىن ۇيلەردىڭ ماسەلەسىنە جەكە توقتالعىم كەلەدى. مەملەكەت تۇرعىن ءۇي قۇرىلىسىنا كولەمدى قارجى ءبولىپ وتىر. ءبىراق، تۇرعىن ۇيلەردىڭ ساپاسىنا قاتىستى شاعىم وتە كوپ. اۋلالاردىڭ فوتوسىن قاراڭىزدار. بۇل ۇيلەردىڭ قاي وڭىردە سالىنعانىن ايتپاي- اق قويايىن. دەسەك تە، بارلىق جەردە وسىنداي كورىنىس. بالالاردىڭ ويىن الاڭىنا دا ءبىر قاراساڭىزدار. جولداردىڭ جاعدايى بولەك اڭگىمە. بۇل نە قالىپتى نورماعا اينالعان با؟ اكىمدەر بيۋدجەت قارجىسىنا سالىنعان ۇيلەرگە ريەۆيزيا جاساپ، بارلىق كەمشىلىكتەردى جويۋى كەرەك»، - دەدى ءاليحان سمايىلوۆ ۇكىمەت وتىرىسىندا.
ۇكىمەت باسشىسى اتالعان ماسەلەنى شۇعىل شەشىپ، تۇرعىن ءۇي قۇرىلىسىنىڭ ساپاسىن قاتاڭ باقىلاۋعا الۋ قاجەتتىگىن ايتتى.
«بۇگىندە تۇرعىن ءۇي- كوممۋنالدىق شارۋاشىلىق سالاسىندا شۇعىل ءارى ساپالى شەشۋدى قاجەت ەتەتىن ماسەلە كوپ. جاۋاپتى مەملەكەتتىك ورگانداردىڭ جۇمىسىندا دا حالىقتىڭ الەۋمەتتىك وسال توپتارىن تۇرعىن ۇيمەن قامتاماسىز ەتۋدە كەمشىلىكتەر بار. كەزەكتە تۇرعانداردى باسپانامەن قامتاماسىز ەتۋ جۇمىستارىنىڭ ساپاسىز جوسپارلانۋىن دا بولەك الىپ قاراۋعا بولادى. سالىنىپ بىتكەن تۇرعىن ۇيلەرىن الا الماي جۇرگەن ازاماتتاردان شاعىمدار كوپ ءتۇسىپ جاتىر. سەبەبى، «وتباسى بانكىندە» جەڭىلدىكپەن نەسيە بەرۋگە قاجەتتى قاراجات جوق»، - دەدى ۇكىمەت باسشىسى.
اۆتور
داۋلەت ىزتىلەۋ
