ۆەنگريا پرەمەر- ءمينيسترى تۇركياعا تەز ارادا كومەك كورسەتۋدى تاپسىردى
«بۇگىنگى قايعىلى جەر سىلكىنىسىنە بايلانىستى تۇركيا پرەزيدەنتى ر. ەردوعانعا كوڭىل ايتامىن. مەن ۆەنگريا بيلىگىنە تۇركياعا دەرەۋ كومەك كورسەتۋدى تاپسىردىم»، - دەپ جازدى ۆيكتور وربان.
«ءبىز قۇربان بولعانداردىڭ وتباسىلارى ءۇشىن دۇعا ەتەمىز»، - دەدى ۆەنگريا ۇكىمەتىنىڭ باسشىسى.
تۇركياداعى قايعىلى وقيعاعا بايلانىستى ەۋروپا وداعى باسشىلارى مەن ناتو باس حاتشىسى دا كوڭىل ايتتى. ەۋروكوميسسيا دەرەۋ جاۋاپ رەتىندە ەۋروپالىق وداق ازاماتتىق قورعانىس مەحانيزمى بويىنشا ىزدەۋ جانە قۇتقارۋ توپتارىن جۇمىلدىرعانىن جەتكىزدى.
بولگاريادان، حورۆاتيادان، چەحيادان، فرانسيادان، گرەتسيادان، نيدەرلاندىدان، پولشادان، رۋمىنيادان ون ىزدەستىرۋ- قۇتقارۋ توبى جەدەل تۇردە جۇمىلدىرىلۋدا. يتاليا مەن ۆەنگريا دا تۇركياعا قۇتقارۋ توپتارىن ۇسىندى.
ە و توتەنشە جاعدايلارعا ارەكەت ەتۋدى ۇيلەستىرۋ ورتالىعى قاجەت بولعان جاعدايدا ودان ءارى قولداۋدى ۇيلەستىرۋ ءۇشىن تۇركيا بيلىگىمەن تىكەلەي بايلانىستا، دەپ حابارلادى ەۋروپالىق كوميسسيانىڭ باسپا ءسوز قىزمەتى.
ە و- نىڭ «كوپەرنيك» سپۋتنيكتىك جۇيەسى دە شۇعىل كارتا جاساۋ قىزمەتتەرىن كورسەتۋ ءۇشىن ىسكە قوسىلدى.
ەسكە سالايىق، تۇركيانىڭ وڭتۇستىك- شىعىسىنداعى كاحرامانماراش پروۆينتسياسىنىڭ پازاردجيك ايماعىندا ماگنيتۋداسى 7,4 بولاتىن جەر سىلكىنىسى بولدى. جەر سىلكىنىسىنىڭ سالدارى سيريادا، ءتىپتى گرۋزيادا دا سەزىلۋدە.
تۇركياداعى جەر سىلكىنىسى كەزىندە قازا تاپقان جانە زارداپ شەككەن قازاقستان ازاماتتارى جوق. مەملەكەت باسشىسى قاسىم- جومارت توقايەۆ تۇركيا پرەزيدەنتى رەجەپ تايىپ ەردوعانعا ەلدىڭ وڭتۇستىك- شىعىسىندا كوپتەگەن قۇربان بولعانىنا بايلانىستى كوڭىل ايتتى. قازاقستان دا تۇركياعا شۇعىل كومەك كورسەتەدى.
اۆتور
اسحات رايقۇل
