ەۋرووداق قۋاتتى جەر سىلكىنىسىنەن زارداپ شەككەن تۇركياعا كومەك كورسەتۋگە دايىن

استانا. قازاقپارات - ەۋروپالىق وداق تۇركيا تاراپىنىڭ وتىنىشىمەن شۇعىل تۇردە ىزدەۋ-قۇتقارۋ توبىن جاساقتادى، دەپ حابارلايدى قازاقپارات ءتىلشىسى.

وڭىردەگى ريحتەر شكالاسىمەن 7,4 بالدىق قۋاتتى جەر سىلكىنىسى عاسىردان استام ۋاقىتتان كەيىن تۇركيانىڭ گازيانتەپ اۋدانىندا بولدى. جەر سىلكىنىسى كورشىلەس سيريا ەلىنە دە اسەرىن تيگىزدى.

«ءبىزدىڭ وي-پىكىرىمىز تۇركيا جانە سيريا حالقىمەن بىرگە. ە و كومەكتەسۋگە دايىن»، - دەپ جازدى ەۋروپالىق ديپلوماتيا باسشىسى جوزەپ بوررەل Twitter پاراقشاسىندا.

10 قالالىق ىزدەۋ-قۇتقارۋ كومانداسى تۇركيانىڭ جەدەل ارەكەت ەتۋ قىزمەتىنە قولداۋ كورسەتۋ ءۇشىن بولگاريا، حورۆاتيا، چەحيا، فرانسيا، گرەكيا، نيدەرلاندى، پولشا رۋمىنيا ەلدەرىنەن شۇعىل جاساقتالدى. يتاليا مەن ۆەنگريا دا تۇرىك ەلىنە وزدەرىنىڭ قۇتقارۋ كوماندالارىنىڭ قىزمەتىن ۇسىنىپ وتىر.

«ە و- نىڭ توتەنشە جاعدايلارعا دەن قويۋ ورتالىعى قاجەتتىلىك تۋىنداعان جاعدايدا مۇنان ارعى قولداۋدى ۇيلەستىرۋ ماقساتىندا تۇركيا بيلىگىمەن تىكەلەي بايلانىسىپ وتىر»، - دەپ اتاپ وتەدى ەۋروپالىق كوميسسياسىنىڭ باسپا ءسوز قىزمەتىنەن.

ە و- نىڭ «Copernicus» جەرسەرىك جۇيەسى شۇعىل كارتوگرافيالىق قىزمەت كورسەتۋ ءۇشىن ىسكە قوسىلدى.

ەۋروپالىق وداق تۇركياداعى جەر سىلكىنىسى كەزىندە زارداپ شەككەن سيريا ەلىنە دە گۋمانيتارلىق كومەك باعدارلاماسى ارقىلى قولداۋ كورسەتۋگە دايىن ەكەندىگىن ءبىلدىردى.

مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تايپ ەردوعانعا كوڭىل ايتتى جانە ۇكىمەتكە تۇركياعا شۇعىل كومەك كورسەتۋدى تاپسىردى.

س ءى م مالىمەتى بويىنشا، قازىرگى ساتكە دەيىن وندا قازاقستان ازاماتتارى زارداپ شەكتى دەگەن اقپارات كەلىپ تۇسكەن جوق.

سوڭعى مالىمەت بويىنشا جەر سىلكىنىسى سالدارىنان قۇربان بولعاندار سانى 912 گە جەتتى.