وتەماقى الۋ ءۇشىن نە ىستەۋ كەرەك؟
دەپوزيت بويىنشا 10 پايىز وتەماقىنى كىمدەر الا الادى؟
استانا. قازاقپارات - جەكە تۇلعالارعا وتباسى بانكىندە اشىلعان دەپوزيتتەرى بويىنشا رەسپۋبليكالىق بيۋجەتتەن 10 پايىز وتەماقى قاراستىرىلعان.
Massaget.kz ءتىلشىسى وتەماقى كىمگە، قالاي جانە قاشان بەرىلەتىنىن انىقتادى.
وتەماقى بۇل – 2022-جىلعى 23- اقپاننان قولدانىستا بولعان دەپوزيت بويىنشا سالىمشىعا تولەنەتىن قاراجات. ەسكەرتەيىك، دەپوزيت بيىلعى 23- اقپانعا دەيىن ساقتالۋى كەرەك.
وتەماقى 20 ميلليون تەڭگەگە دەيىن سالىمنىڭ/سالىمداردىڭ جالپى سوماسىنا تولەنەدى؛
10 پايىز كولەمىندەگى وتەماقى جەكە تۇلعانىڭ بارلىق سالىمىنا ءبىر رەت اۋدارىلادى؛
وتەماقى 2023-جىلعى 1- قاڭتاردان كەشىكتىرمەي، تولەم الۋ تۋرالى كەلىسىمشارت قۇرۋعا ءوتىنىشىن بەرۋ تۇرىندە راستاعان سالىمشىلارعا عانا تولەنەدى.
وتىنىشتەر ونلاين جانە بانك كەڭەسشىلەرىنىڭ كومەگىمەن جولدانادى.
ءوتىنىشتى 2022-جىلعى 1- قازاننان باستاپ 2023-جىلعى 10- اقپانعا دەيىن باسپانا ماركەت - www.otbasybank.kz جەكە كابينەت ارقىلى نەمەسە بانك كەڭەسشىلەرىنە حابارلاسىپ جولداۋعا بولادى.
كامەلەتكە تولماعان سالىمشىلاردىڭ ءوتىنىشتى بانك كەڭەسشىلەرى ارقىلى بەرەدى.
بالالار ءۇيىنىڭ تاربيەلەنۋشى سالىمشىلاردىڭ دەپوزيتتەرى بويىنشا وتىنىشتەردى ولاردىڭ زاڭدى وكىلى بانك كەڭەسشىلەرى ارقىلى بەرە الادى.
14 جاسقا تولعان بانك سالىمشىلارى وتەماقى الۋعا ءوز بەتىنشە، ءبىراق اتا-اناسىنىڭ نەمەسە زاڭدى وكىلدەرىنىڭ قاتىسۋىمەن ءوتىنىش بەرەدى.
2022-جىلعى 24- اقپاننان باستاپ 2023-جىلعى 23- اقپانعا دەيىن سالىمدى جاپپاۋ، دەپوزيتتى ساتپاۋ قاجەت؛
دەپوزيتتەن قاراجاتتى ءىشىنارا شەشىپ الۋعا بولادى، ءبىراق وتەماقى بەرىلەتىن كەزەڭ بويىنشا ساقتالعان قاراجات قالدىعى بويىنشا ەسەپتەلەدى. ونىڭ ۇستىنە، وسى ۋاقىت ارالىعىندا سالىمعا قوسىمشا تولىقتىرىلعان قاراجات ەسەپكە الىنبايدى.
وتەماقى مىنا دەپوزيتتەر بويىنشا تولەنەدى:
مىندەتتەمەسىز دەپوزيتتەر بويىنشا؛
ارالىق جانە الدىن الا زايمدار بويىنشا قامتاماسىز ەتۋ رەتىندە بەرىلگەن دەپوزيتتەر، ونىڭ ىشىندە ءتۇرعىن ۇي زاەمدارى بەرىلگەن ءۇشىنشى تۇلعالاردىڭ مىندەتتەمەلەرى بويىنشا؛
تەگىن تابىستالعان دەپوزيتتەر بويىنشا.
سالىمدى ءبولۋ ناتيجەسىندە قالىپتاسقان سالىمدار بويىنشا؛
بىرىكتىرىلگەن دەپوزيتتەر بويىنشا
وتەماقى سالىمشىنىڭ دەپوزيتىنە اۋدارىلادى.
وتەماقى قانداي دەپوزيت بويىنشا تولەنبەيدى:
دەپوزيت 2022-جىلعى 24- اقپانى مەن 2023-جىلعى 23- اقپان ارالىعىندا جابىلسا؛
دەپوزيت كەپىل رەتىندە بولعان نەسيە بۇل ارالىقتا سالىم توقتاپ، تولىق وتەلسە؛
بۇل ارالىقتا دەپوزيت بويىنشا تۇرعىن ءۇي قارىزى بىرەۋگە كوشىرىلسە؛
ونلاين تابىستاۋ ارقىلى ساتىلعان نەمەسە ساتىپ الىنعان دەپوزيتتەر بويىنشا.
سالىمشىنىڭ جالپى قالدىعى 20 ميلليون تەڭگەدەن اساتىن ەكى جانە ودان دا كوپ دەپوزيتى بولسا، وتەماقى سالىمدار سوماسىنا پروپورتسيونال، ءبىراق بەلگىلەنگەن وتەماقى سوماسىنان اسپايتىن دەپوزيتتەرگە ەسەپتەلەدى.
مىسالى:
سالىمشىنىڭ 2 دەپوزيتى بار: 1№ دەپوزيت - 6 ميلليون جانە 2№ دەپوزيت - 15 ميلليون تەڭگە. ەكى سالىمنىڭ جالپى سوماسى 21 ميلليون تەڭگە، سوما 20 ميلليون تەڭگە شەگىندە عانا وتەلەدى.
جالپى كولەمى 20 ميلليون تەڭگەدەن اساتىن دەپوزيتتەر بويىنشا، ءاربىر سالىمعا تۇسەتىن قاراجات كولەمىن ەسەپتەۋ ءۇشىن، سالىم بويىنشا ءتيىس وتەماقىنىڭ ۇلەسى ەسەپتەلەدى:
1№ دەپوزيت بويىنشا: 6 ميلليون * 100 پايىز / 21 ميلليون = 28,57 پايىز.
1№ دەپوزيت بويىنشا: 15 ميلليون * 100 پايىز * 21 ميلليون = 71,43 پايىز.
اۋدارىلاتىن وتەماقى سوماسى:
1№ دەپوزيت بويىنشا - 20 ميلليون * 28,57 پايىز * 10 پايىز = 571400 تەڭگە.
№2 دەپوزيت بويىنشا - 20 ميلليون * 71,43 پايىز * 10 پايىز = 1428000 تەڭگە.
بارلىعى: اۋدارىلعان نە ەكى دەپوزيت بويىنشا وتەماقى سوماسى = 2 ميلليون تەڭگە.
وتەماقىنى ەسەپتەۋ:
1№ مىسال
دەپوزيت سوماسى 2022-جىلعى 23- اقپان اياعىندا 600000 تەڭگەگە تەڭ بولدى. ءبىر جىل ىشىندە دەپوزيتىڭىزدى ەكىگە ءبولىپ، بىرەۋىن جاۋىپ تاستادىڭىز. دەپوزيتتە ساقتالعان قاراجاتتىڭ قالدىعى بويىنشا مينيمال سوما - 300000 تەڭگە. وتەماقى 2022-جىلعى -24 اقپاننان 2023-جىلعى 23- اقپانعا دەيىنگى ارالىقتا ەڭ تومەن دەپوزيت سوماسىنا ەسەپتەلەدى. ياعني، 300000 تەڭگەگە 10 پايىز كولەمىندە وتەماقى اۋدارىلادى، بۇل - 30000 تەڭگە.
2№ مىسال
2022-جىلعى 23- اقپاندا دەپوزيتىڭىزدىڭ سوماسى 600000 تەڭگە بولدى. ءبىر جىل ىشىندە سالىمىڭىزداعى قاراجاتتى شەشپەي، تولىقتىرىپ وتىردىڭىز. 2023-جىلعى 24- اقپاندا دەپوزيتىڭىزدەگى سوما 1 ميلليون تەڭگەگە جەتتى. بۇل جاعدايدا دەپوزيتتەگى 600000 تەڭگەگە 10 پايىز كولەمىندە وتەماقى تولەنەدى، ول 60000 تەڭگەگە تەڭ كەلەدى.
3№ مىسال
سىزدە جالپى سوماسى 24 ميلليون تەڭگە بولاتىن بىرنەشە دەپوزيت بار. وتەماقى دەپوزيتتەردىڭ جالپى سوماسى 20 ميلليون تەڭگەگە ەسەپتەلەدى. ياعني، 4 ميلليون تەڭگەگە وتەماقى تولەنبەيدى.
