رەسپۋبليكا پارتياسىنىڭ باسشىلىعىنا جاستار جۇمىلدىرىلدى - سىرىمبەك تاۋ
«پارتيا تەڭ ءتوراعالارىنىڭ ورتاشا جاسى 35 شاماسىندا. ماجىلىسكە پارتيالىق ءتىزىم بويىنشا 25 كانديدات، ال ءبىر مانداتتى جۇيە بويىنشا 5 ادام باق سىنايدى»، - دەدى سىرىمبەك تاۋ.
وسى ورايدا ول پارتياعا مۇشە رەتىندە كوبىنە جاستار تارتىلعانىن، ولاردىڭ ءبىرازى كاسىپكەرلىك سالادا قىزمەت ەتىپ جۇرگەنىن ايتتى.
«ماجىلىسكە ءبىزدىڭ پارتيا اتىنان كانديداتتار ەنسە، ولاردىڭ زاڭ شىعارۋ سالاسىنداعى جۇمىس ىستەۋگە ساۋاتى جەتەدى دەپ ويلايمىن. جالپى، بىزدەگى جىگىتتەر مەن قىزدار ءوز جۇمىسىندا تاجىريبە جيناقتاعان. ارى قاراي ماجىلىسكە بارعان كەزدە ءبىز ءوز ۇلەسىمىزدى قوسامىز. ءبىزدىڭ كوزقاراسىمىز جان- جاقتى بولادى»، - دەدى پارتيانىڭ تەڭ ءتوراعاسى.
بۇگىنگى ءىس- شاراعا پارتيا ءتوراعاسى ايداربەك حودجانازاروۆ، تەڭ ءتوراعالار - سىرىمبەك تاۋ، رۋسلان بەردەنوۆ، ماكسيم بارىشيەۆ، دينارا شۇكىجانوۆا، قۋانىش شونباي، بەيبىت الىبەكوۆ جانە نۇرلان قويانبايەۆ، سونداي- اق رەسپۋبليكا پارتياسىنىڭ 20 ايماقتىق فيليالىنىڭ وكىلدەرى، بەلگىلى قازاقستاندىق كاسىپكەرلەر مەن قوعام قايراتكەرلەرى قاتىسىپ جاتىر.
اۆتور
رۋسلان عابباسوۆ
