17:43, 06 - اقپان 2023 | GMT +5
ق ر س ءى م تۇركياداعى جەر سىلكىنىسىنەن زارداپ شەككەن قازاقستان ازاماتتارى بار-جوعىن ايتتى
استانا. قازاقپارات - تۇركيادا ورىن العان قۋاتتى جەر سىلكىنىسى سالدارىنان زارداپ شەككەندەر مەن قازا تاپقانداردىڭ اراسىندا قازاقستان ازاماتتارى جوق.
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.
«تۇركيا رەسپۋبليكاسىنداعى ەلشىلىگىمىزدىڭ اقپاراتىنا سايكەس، استانا ۋاقىتىمەن ساعات 15:00 دەگى جاعداي بويىنشا تۇركيانىڭ وڭتۇستىك-شىعىسىنداعى قۋاتتى جەر سىلكىنىسىنەن كەيىن قازاقستان ازاماتتارىنان ءوتىنىش تۇسكەن جوق. كونسۋل تۇركيانىڭ توتەنشە جاعدايلار جونىندەگى باسقارماسىمەن ۇنەمى بايلانىستا وتىر. قازىرگى ۋاقىتتا زارداپ شەككەندەر نەمەسە قازا تاپقاندار تىزىمىندە قازاقستان ازاماتتارى جوق. سونىمەن قاتار قيراندىلاردىڭ وتە كوپ بولۋىنا بايلانىستى قۇتقارۋ جۇمىستارىنىڭ جالعاسىپ جاتقانىن ەسكەرگەن ءجون»، - دەدى ايبەك سمادياروۆ ۆەدومستۆودا وتكەن بريفينگ بارىسىندا.
