اتا- اجەنىڭ نەمەرەلەرىمەن ارالاسۋىنا قاتىستى جاڭا نورما ەنگىزىلمەك

استانا. قازاقپارات - قازاقستاندا اتاسى مەن اجەسىنىڭ، باۋىرلارىنىڭ جانە باسقا تۋىستارىنىڭ بالامەن قارىم- قاتىناسىنا قاتىستى نورما «اشىق ن ق ا» پورتالىندا قوعام تالقىلاۋىنا ۇسىنىلدى، دەپ حابارلايدى قازاقپارات ءتىلشىسى.

ق ر وقۋ- اعارتۋ مينيسترلىگى جاريالاعان قۇجات جوباسى 24- اقپانعا دەيىن تالقىلاۋعا شىعارىلىپ وتىر.

بۇل وزگەرىس «نەكە (ەرلى- زايىپتىلىق) جانە وتباسى تۋرالى»

2011 -جىلعى 26- جەلتوقسانداعى قازاقستان رەسپۋبليكاسىنىڭ كودەكسىنە ۇسىنىلۋدا.

تولىقتىرىلعان 73-1-باپتا «اتاسىنىڭ، اجەسىنىڭ، باۋىرلارىنىڭ جانە باسقا تۋىستارىنىڭ بالاسىمەن قارىم- قاتىناس جاساۋ قۇقىعى» دەپ اتالادى.

«اتالار، اجەلەر، باۋىرلار، اپكەلەر جانە باسقا تۋىستار بالامەن ارالاسۋعا قۇقىلى. اتا- انالار (ولاردىڭ بىرەۋى) بالانىڭ جاقىن تۋىستارىنا ونىمەن قارىم- قاتىناس جاساۋ مۇمكىندىگىن بەرۋدەن باس تارتقان جاعدايدا، داۋدى ق ر بالالاردىڭ قۇقىقتارىن قورعاۋ سالاسىنداعى ۋاكىلەتتى ورگانى ايقىندايتىن تارتىپپەن قامقورشىلىق جونىندەگى فۋنكتسيالاردى جۇزەگە اسىراتىن ورگان شەشەدى. قامقورشىلىق جونىندەگى فۋنكتسيالاردى جۇزەگە اسىراتىن ورگاننىڭ شەشىمىمەن كەلىسپەگەن جاعدايدا، داۋدى مەدياتسيا تارتىبىمەن نەمەسە قامقورشىلىق جونىندەگى فۋنكتسيالاردى جۇزەگە اسىراتىن وسى ورگاننىڭ قاتىسۋىمەن سوت شەشەدى»، - دەپ جازىلعان قۇجات جوباسىندا.

ايتا كەتەيىك، قولدانىستاعى زاڭدا بۇل باپ كورسەتىلمەگەن.

اۆتور

رۋسلان عابباسوۆ