ەۋرووداق ۋكرايناعا بارلىق جاعىنان كومەكتەسۋگە ۋادە ەتتى
جاقىندا 2 گيگاۆاتت ەلەكتر ەنەرگياسى بەرىلمەك. بۇل تۋرالى ەۋروكوميسسيا باسشىسى ۋرسۋلا فون دەر ليايەن حابارلادى. سونداي- اق ول ۋكراينانى قالپىنا كەلتىرۋ ءۇشىن 1 ميلليارد ەۋرو، گۋمانيتارلىق ىستەرگە 25 ميلليون ەۋرو بولىنەتىنىن جەتكىزدى.
ونىڭ 500 ميلليونى اسكەري ماقساتقا جۇمسالادى. بۇدان باسقا، 30 مىڭ سارباز ەۋرووداق ەلدەرىندە وقۋ- جاتتىعۋدان وتەدى. بريۋسسەل كيەۆتىڭ ەۋرووداققا تەز ارادا قابىلداۋ ءوتىنىشىن نازارعا الدى، ءبىراق ناقتى مەرزىمى ازىرگە ايتىلعان جوق. ول ءۇشىن ۋكراينا جەمقورلىقپەن كۇرەستى كۇشەيتىپ، سوت جۇيەسىن رەفورمالاپ، ەكونوميكاسىن نىعايتۋى كەرەك.
ۋرسۋلا فون دەر ليايەن، ەۋروكوميسسيا پرەزيدەنتى:
- ءبىز رەسەيگە قارسى سانكسيالاردىڭ توعىزىنشى پاكەتىن دايىنداپ جاتىرمىز. ول شامامەن 10 ميلليارد ەۋرونى قامتيدى. ءبىز وزدىگىنەن ۇشاتىن قۇرالدارداعى ءاربىر بولشەكتى تەرەڭ زەرتتەيمىز. ويتكەنى رەسەيدىڭ وسىنداي تەحنولوگيالارعا نەمەسە ولاردى وندىرۋگە قاتىسىنىڭ بار- جوعىن ءبىلۋىمىز كەرەك. ماسەلەن، يرانعا قاتىستى جاعدايدى قازىر ءجىتى باقىلاۋدا ۇستاپ وتىرمىز.
www.24.kz
