ساناۋ ەندى قاجەت ەمەس: عالىمدار تەز ۇيىقتاۋدىڭ قاراپايىم ءادىسىن اشتى
كەيبىر ادامدار ۇيقىسىزدىقتان زارداپ شەگەدى. ۇيقىنىڭ بولماۋى جۇرەك-تامىر اۋرۋلارى، قانت ديابەتى، سەمىزدىك جانە قاتەرلى ىسىك قاۋپىن ارتتىرادى.
ۇيقىسىزدىقتىڭ سەبەبى دەنەدەگى ەلەۋلى اقاۋلىق ەمەس، شامادان تىس الاڭداۋشىلىق، وي بولسا، ءسىز بەركليدەگى امەريكا ۋنيۆەرسيتەتىنىڭ نەۆرولوگيا پروفەسسورى ۇسىنعان قاراپايىم ءادىستى قولدانۋ ارقىلى ماسەلەنى شەشە الاسىز.
«ءوزىڭىز جاقسى بىلەتىن ساياحاتتى ويلاپ كورىڭىز. ونى جاعىمدى نارسەمەن بايلانىستىرۋ كەرەك. ول سەرۋەندەۋگە باراتىن ساياباقتاعى جول نەمەسە جازدا بارعان جاعاعا، بالا كەزىڭىزدە جۇگىرگەن جەرلەر بولۋى مۇمكىن. تەرەڭ تىنىس الىڭىز جانە وزىڭىزگە جاعىمدى، تانىس جەردە ءجۇرىپ جاتقانىڭىزدى ەلەستەتىڭىز»، - دەيدى مەتتيۋ ۋوكەر.
ۆيزۋاليزاتسيا كەزىندە ءسىز ەگجەي-تەگجەيگە مۇقيات نازار اۋدارۋىڭىز كەرەك - ءوزىڭىزدى ەسىكتى اشىپ، باسپالداقپەن ءتۇسىپ جاتقانىڭىزدى جانە ت. ب. ەلەستەتىڭىز، دەپ قوسادى ساراپشى. ونىڭ ايتۋىنشا، اقىل-وي سەرۋەنى ادامدى تىنىشتاندىرىپ، تەز ۇيىقتاۋعا مۇمكىندىك بەرەدى.
پروفەسسور Zoe Science جانە Nutrition پودكاستىندا تەز ۇيىقتاۋ جولىن سيپاتتادى.
ويشا سەرۋەندەۋ تەز ۇيىقتاپ كەتۋدىڭ تاماشا ءادىسى
بۇرىن سەرۋەندەگەنىڭىزدى ەسكە ءتۇسىرىڭىز. ەگەر ول ميعا بەلگىلى بولسا، ءبىزدىڭ قيالىمىزعا جولدى ويشا قايتالاۋ الدەقايدا وڭاي.
مارشرۋتتى ەسكە ءتۇسىرىپ، ەلەستەتۋدى باستاماس بۇرىن، الدىمەن تىنىشتالىڭىز، تەرەڭ تىنىس الىڭىز، قوزعالماڭىز.
سەزىمدەرىڭىزگە نازار اۋدارىڭىز
پسيحيكالىق سەرۋەن كەزىندەگى سەزىمدەرگە ەرەكشە نازار اۋدارىڭىز - ونىڭ ءيىسى قانداي، دەنەڭىزدە قانداي سەزىمدەر بار، ىستىق پا، سۋىق پا، قانداي دىبىستاردى ەستيسىز؟
«مالىمەتتەرگە ءۇڭىلۋ وتە ماڭىزدى. مىسالى، جاعاجايدا سەرۋەندەۋ بولسا، تولقىنداردىڭ دىبىسىن نەمەسە تەڭىز ءيىسىن ەستە ساقتاڭىز. وسىلايشا ءسىز ميىڭىزدى جاعىمدى تاجىريبەنى قايتا وتكىزۋگە ماجبۇرلەيسىز»، - دەپ تۇسىندىرەدى پروفەسسور.
اتالمىش ءادىستى دەنساۋلىق بويىنشا ساراپشى، ترەنەر دجواننا شۋرەتي دە قۇپتايدى.
«پسيحيكالىق سەرۋەن مەديتاتسيانىڭ ءبىر ءتۇرى سياقتى. ءبىزدىڭ ميىمىز ءلاززات گورموندارىن شىعارعاندا، ول نەنىڭ شىن، نەنىڭ ەلەس ەكەنىن اجىراتپايدى. مۇنداي اقىل- وي سەرۋەنىندە سەزىلەتىن تىنىشتىق شىنايى سەرۋەن كەزىندەگىدەي بولادى»، - دەيدى ساراپشى دجواننا شۋرەتي.
ءبىز ۇيىقتاي الماساق، بۇل دەنەنىڭ ۇيىقتاۋعا دايىن بولماعانىن بىلدىرەدى.
«سوندىقتان شارتتى تۇردە قاۋىپسىز، تىنىش جەردە بولۋ وتە ءتيىمدى ءادىس. بۇل الاڭداۋشىلىقتى باسىپ، دەمالۋعا كومەكتەسەدى»، - دەيدى شۋرەتي.
