وليمپيادا جۇلدەگەرى ەلميرا سىزدىقوۆا تۋعان كۇنىندە سپارتاكيادا جەڭىمپازى اتاندى

الماتى. قازاقپارات - الماتى قالاسىندا بالۋان شولاق اتىنداعى سپورت سارايىندا ايەلدەر كۇرەسىنەن قازاقستاننىڭ VI جازعى سپارتاكياداسى اياقتالدى، دەپ حابارلايدى قازاقپارات ءتىلشىسى.
None

ايتۋلى دودا بارىسىندا بىرنەشە داڭقتى بالۋان كىلەمگە شىعىپ، وزدەرىنىڭ ءالى بابىندا ەكەندىگىن بايقاتتى.

ريو وليمپياداسىنىڭ قولا جۇلدەگەرى ەلميرا سىزدىقوۆا اۋىر جاراقاتتان كەيىن كىلەمگە قايتا ورالىپ، جۋىردا فرانتسيادا وتكەن حالىقارالىق تۋرنيردە توپ جارعان ەدى.

سپارتاكيادادا قاراعاندى وبلىسىنىڭ نامىسىن قورعاعان ە. سىزدىقوۆانىڭ 5-اقپان، ياعني بۇگىن تۋعان كۇنى. ول 76 ك گ سالماقتا استانالىق گۇلمارال ەركەبايەۆامەن بەلدەستى. ەلميرا 2021 -جىلى گۇلمارالعا ەسە جىبەرگەن ەدى. اسا تارتىستى وتكەن باسەكەدە بۇل جولى ەلميرا قارسىلاسىن ءبىر عانا ۇپاي ايىرماشىلىعىمەن ۇتىپ، قارىمتا قايتاردى.

سونداي-اق، الەم چەمپيوناتىنىڭ ەكى مارتە كۇمىس جۇلدەگەرى، استانالىق ءجاميلا باقبەرگەنوۆا 72 ك گ سالماقتا فينالدا باتىسقازاقستاندىق جاس بالۋان اناستاسيا پاناسوۆيچتى ايقىن باسىمدىلىقپەن ۇتتى.

سول سەكىلدى 2008 -جىلعى بەيجىڭ وليمپياداسىنىڭ قولا جۇلدەگەرى، شىمكەنتتىڭ اتىنان شىققان ەلەنا شالىگينا 68 ك گ سالماقتا قارسىلاس شاق كەلتىرگەن جوق.

بارلىق سالماق دارەجەلەرى بويىنشا جەڭىمپاز- جۇلدەگەرلەر انىقتالىپ، ديپلوم، مەدالدارمەن ماراپاتتالدى.

دۇيسەنبى كۇنى ەركىن كۇرەس شەبەرلەرىنە كەزەك تيەدى.

ەسكە سالا كەتەيىك، بۇدان بۇرىن كىلەمگە قايتا ورالعان المات كەبىسپايەۆتىڭ سپارتاكيادا چەمپيونى اتانعانىن جازعان بولاتىنبىز.

سوڭعى جاڭالىقتار