08:56, 06 - اقپان 2023 | GMT +5
ولجاس سۇلەيمەنوۆ «قازاقستان حالىق كونگرەسى» پارتياسىنىڭ ءتوراعاسى بولىپ سايلاندى
الماتى. قازاقپارات - الماتىدا «قازاقستان حالىق كونگرەسى» جالپىۇلتتىق قوزعالىسىنىڭ سەزى ءوتتى.
ەل ايماقتارىنان كەلگەن باستاماشىل توپتىڭ مۇشەلەرى باعدارلامالىق قۇجاتتار مەن دامۋدىڭ نەگىزگى باعىتتارىن تالقىلادى، دەپ حابارلايدى قازاقپارات ءتىلشىسى.
سەزگە ەلىمىزدىڭ ءار وڭىرىنەن بارلىعى 1500 گە جۋىق دەلەگات كەلدى.
پارتيا باعدارلاماسىندا ەكونوميكا، ەكولوگيا، دەنساۋلىق ماسەلەسى، ساپالى ءبىلىم بەرۋ باعىتتارى قامتىلعان. ولجاس سۇلەيمەنوۆ باستاعان بەلسەندىلەر بار تاجىريبە مەن كۇش-قۋاتتى ازاماتتىق قوعامدى بىرىكتىرۋگە باعىتتايتىندارىن جەتكىزدى.
ولجاس سۇلەيمەنوۆ ءبىراۋىزدان پارتيا ءتوراعاسى بولىپ سايلاندى.
پارتيا جارعىسىنىڭ جوباسى دا ءبىراۋىزدان ماقۇلداندى.
ەسكە سالايىق، بىلتىر مامىر ايىندا ولجاس سۇلەيمەنوۆ «قازاقستان حالىق كونگرەسى» پارتياسى قايتا قۇرىلاتىنى تۋرالى ايتقان بولاتىن.
