كريشتيانۋ رونالدۋ «ال- ناسر» قۇرامىندا العاشقى گولىن سوقتى

پورتۋگاليالىق شابۋىلشى ساۋد ارابياسى چەمپيوناتىنىڭ 15-تۋرىندا سىرت الاڭدا «ال- فاتەح» كلۋبىمەن وتكەن ماتچتا 93-مينۋتتا پەنالتيدى ءدال ورىندادى.

بۇل ماتچ 2:2 ەسەبىمەن تەڭ اياقتالدى. وسىلايشا، كريشتيانۋ كومانداسىن جەڭىلىستەن ساقتاپ قالدى.

بۇل رونالدۋدىڭ «ال- ناسر» قۇرامىنداعى رەسمي ويىندارداعى ءبىرىنشى گولى ەدى. بۇعان دەيىنگى ەكى رەسمي باسەكەدە ونىڭ قانجىعاسى مايلانباعان ەدى.

«ال- ناسر» كلۋبى 34 ۇپايمەن تۋرنير كەستەسىندە كوش باستاپ كەلەدى.

ەسكە سالا كەتەيىك، بۇدان بۇرىن كريشتيانۋ رونالدۋدىڭ جالاقىسىنىڭ باسىم بولىگى ساۋد ارابياسىنىڭ بيۋدجەتىنەن تولەنەتىنىن جازعان بولاتىنبىز.