بالقاش الابۇعاسىنا ارنالعان كوللەكتسيالىق مونەتالار اينالىمعا ەنگىزىلدى
مونەتالاردىڭ ساتىلىمعا شىعاتىن كۇنىنە قاتىستى قوسىمشا اقپارات ۇلتتىق بانك سايتىندا جاريالاناتىن بولادى.
بالقاش كولى - قازاقستانداعى ەڭ الىپ كولدەردىڭ ءبىرى جانە كولەمى جاعىنان الەمدە 15-ورىندا تۇر. تۇزدى جانە تۇشى بولىكتەن تۇراتىن الەمدەگى جالعىز تابيعي سۋ توعانى.
بالقاش الابۇعاسى - كولدە كەزدەسەتىن ەندەميكالىق بالىقتاردىڭ ءبىرى. ول 5-7 ميلليون جىل بۇرىن جاقىن تۇقىمداسى - كادىمگى وزەن الابۇعاسىنان شىققان. قازاقستاننىڭ قىزىل كىتابىنا ەنگىزىلگەن.
BALQASH ALABUǴASY كوللەكتسيالىق مونەتالارى 2 تۇردە دايىندالدى:
1. 925/1000 سىنامالى كۇمىستەن جاسالعان. 3D جانە اسا جوعارى بەدەرلى تەحنولوگيا قولدانىلعان. ماسساسى - 100 گرام، ديامەترى - 50 م م، نومينالى - 1000 تەڭگە، تارالىمى - 500 دانا؛
2. م ن 25 مەلحيور قوسپاسىنان دايىندالعان. ماسساسى - 15 گرام، ديامەترى - 33 م م. دايىنداۋ ساپاسى - «proof-like»، نومينالى - 200 تەڭگە، تارالىمى - 20 مىڭ دانا.
ۇلتتىق بانكتەن ءمالىم ەتكەندەي، كوللەكتسيالىق مونەتالار قازاقستاننىڭ بۇكىل اۋماعىندا ءوزىنىڭ بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانا بەرەدى. سونداي-اق ەلدىڭ بارلىق بانكىندە بانك شوتتارىنا ەسەپكە الىنادى، اۋدارىلادى، ۇساقتالادى جانە ايىرباستالادى.
كوللەكتسيالىق مونەتالار قازاقستان تەڭگە سارايىندا دايىندالدى.