ارىس قالاسىندا ءبىر ءۇي سۋ استىندا قالدى
«ەلدى مەكەندەردى ارالاۋ جالعاسۋدا.
قۇتقارۋ بولىمشەلەرى مەن ج ا و جەدەل شارالاردى ۇيىمداستىرۋ ارقىلى جاعدايدى تۇراقتاندىردى.
ارىس قالاسىندا ءبىر ءۇي سۋ استىندا قالدى. ەلدى مەكەندەردە نەگىزىنەن اۋلا اۋماقتارى سۋ استىندا قالدى، وندا سۋدى سورىپ شىعارۋ جۇمىستارى جۇرگىزىلۋدە»، - دەدى مينيستر.
ەسكە سالا كەتەيىك، 2- اقپاندا كەنتاۋ، تۇركىستان قالالارىندا جانە بايدىبەك، ساۋران، ورداباسى اۋداندارىندا جاۋىن- شاشىننان كوشەلەر مەن اۋلالاردى سۋ باسىپ جاتقانىن حابارلاعان ەدىك.
وڭىردە كولىگىمەن تاسقىن سۋ ورتاسىندا قالىپ قويعان تۇرعىندار قۇتقارىلدى. تۇركىستان وبلىسىنىڭ اكىمى تاسقىن سۋ كىرگەن ەلدى مەكەن تۇرعىندارىمەن كەزدەستى.
ءبىز سونداي- اق كەنتاۋ قالاسى مەن ساۋران اۋدانىندا توتەنشە جاعداي جاريالانۋى مۇمكىن ەكەنىن جازدىق.
4 ەلدى مەكەندە سۋ بۇرۋ جۇمىستارى جۇرگىزىلىپ جاتىر، تۇرعىندار ءۇشىن «جەدەل جەلى» ىسكە قوسىلدى.
قازگيدرومەت سينوپتيكتەرى تۇركىستان وبلىسىندا بۇگىن دە جاۋىن جاۋىپ، وزەندەردە سۋ دەڭگەيى كوتەرىلەتىنىن ەسكەرتتى.