الداعى دەمالىستاردا سولتۇستىكتە كۇن سۋىتىپ، وڭتۇستىكتە جىلىنادى

استانا. قازاقپارات - قازگيدرومەت دەمالىس كۇندەردەگى اۋا رايى بولجامىن جاريالادى، دەپ حابارلايدى قازاقپارات.

دەمالىس كۇندەرى رەسپۋبليكانىڭ باسىم بولىگى اتموسفەرالىق فرونتالدى بولىمدەردىڭ ىقپالىندا بولادى. ەلدىڭ باتىسىندا، سولتۇستىگىندە جانە شىعىسىندا قار، ال وڭتۇستىك ايماقتاردا جاۋىن- شاشىن جاۋادى. وڭتۇستىك، تاۋلى جانە تاۋ بوكتەرىندەگى اۋدانداردا قاتتى جاۋىن- شاشىن (جاڭبىر، قار) ، تۇمان جانە كوكتايعاق كۇتىلەدى.

جەلدىڭ سوعۋى كۇشەيەدى. ەلدىڭ باتىسىندا تۇندە اۋا تەمپەراتۋراسى 7-18، كۇندىز 3-8 ايازعا دەيىن ازداپ تومەندەۋى بولجانۋدا. ەلدىڭ سولتۇستىك جارتىسىندا، ورتالىعىندا جانە شىعىسىندا تەمپەراتۋرا تۇندە 15-26 گرادۋس، كۇندىز 5-13 گرادۋس اياز بولادى.

وڭتۇستىك ايماقتاردا تۇنگى ۋاقىتتا اۋا تەمپەراتۋراسى پليۋس مانگە جەتەدى، كۇندىز 2-10° c جىلى بولادى.