استانا قالاسىنىڭ اكىمى جەرءۇستى مەترو قۇرىلىسىنىڭ قاشان اياقتالاتىنىن ايتتى

جەڭىس قاسىمبەكتىڭ سوزىنشە، جەرۇستى مەتروپوليتەنىنىڭ قۇرىلىسىن اياقتاۋ جۇمىسى وتكەن جىلى باستالعان.

ەندى قالعان بارلىق شارۋا كەلەر جىلدىڭ سوڭىندا اياقتالادى.

«وتكەن جىلى ۇكىمەت العاشقى قارجىنى بەردى. بيىل بۇل نىسان قۇرىلىسى بەلسەندى جۇرەدى. ءقازىر جۇمىستى پىسىقتاپ، تەحنيكا بويىنشا، وسى ل ر ت-دا جۇمىس ىستەيتىن پويىزدار بويىنشا اۆانستىق تولەمدەر ءجۇرىپ جاتىر. جوبا 2023-2024 -جىل ىشىندە جۇزەگە اسىرىلىپ، كەلەسى جىلدىڭ سوڭىنا دەيىن ىسكە قوسىلۋى ءتيىس دەپ جوسپارلانعان»، - دەدى شاھار باسشىسى جەڭىس قاسىمبەك.

ەسكە سالا كەتەيىك، قاڭتارداعى مەملەكەت باسشىسى قاسىم-جومارت توقايەۆتىڭ توراعالىعىمەن ەلوردانى دامىتۋ ماسەلەلەرى جونىندەگى كەڭەستە LRT جوباسى ءسوز بولدى.

پرەزيدەنتىتڭ ايتۋىنشا، LRT جوباسى قاتە بولدى، ءبىراق ونى توقتاتساق، شىعىن ودان دا كوپ بولادى.

ايتا كەتەيىك، ەلورداداعى LRT قۇرىلىسى 2019 -جىلى ساۋىردە توقتاتىلعان ەدى.

2020 -جىلدىڭ قاڭتارىندا LRT-عا قاتىستى ءىستى تەرگەۋ شارالارى اياقتالدى. سول جىلى قازاندا ءىس سوت قاراۋىنا جولداندى.

سونداي-اق، بيىل 13-تامىزدا استانا پروكۋراتۋراسى ەلوردا اكىمىنىڭ بۇرىنعى ورىنباسارى قانات سۇلتانبەكوۆ پەن «استانا LRT» ج ش س باسقارما ءتوراعاسى تالعات اردانعا قاتىستى قىلمىستىق ءىستىڭ سوتقا جولدانعانىن حابارلادى.

ءبىراق، اتالعان ەكى كۇدىكتى قازىرگى ۋاقىتتا قىلمىستىق قۋدالاۋدان بوي تاسالاپ ءجۇر.